BIX JEʼEL U XUʼULUL LE PʼEKTAJILOʼ
1 | Maʼ a paktik mix máak jelaʼan
Le Bibliaoʼ ku yaʼalik:
«Dioseʼ mix máak jelaʼan u paktik, baʼaxeʼ tiʼ tuláakal kaajeʼ ku kʼamik jeʼel máaxak ku beetik baʼax maʼalobeʼ yéetel jeʼel máaxak u chʼaʼamaj saajkilil tiʼeʼ» (HECHOS 10:34, 35).
¿Baʼax u kʼáat u yaʼale?
Jéeobaeʼ a maʼatech u juzgartik máak chéen yoʼolal u kaajal, yoʼolal u raza wa yoʼolal bix líiʼsaʼanil. Baʼax ku chʼaʼik en cuentaeʼ bix u tuukul máak yéetel baʼax yaan tu puksiʼikʼal. Le Bibliaoʼ ku yaʼalik: «Wíinikeʼ chéen ku yilik le baʼax yaan yóoʼkabiloʼ, pero Jéeobaeʼ ku yilik le baʼax yaan ichil le puksiʼikʼaloʼ» (1 Samuel 16:7).
Ilawil a beetik lelaʼ:
Kex maʼ tu páajtal k-ilik baʼax yaan tu puksiʼikʼal le máakoʼoboʼ jeʼel u páajtal k-ilkoʼob jeʼex u yilaʼaloʼob tumen Jéeobaoʼ. Wa juntúul máak ku beetik junpʼéel baʼal jelaʼan a wilkeʼ maʼ a tuklik wa tuláakal máak beyoʼ, baʼaxeʼ ilawil a kʼaj óoltik cada juntúul máak. Wa ka tsʼáaik cuenta yaan máax jelaʼan a paktik yoʼolal tuʼux u taal wa yoʼolal u razaeʼ kʼáat tiʼ Dios ka u yáantech a kʼex bix a tuukul yéetel ka a luʼs ta puksiʼikʼal le baʼax ka wuʼuyikoʼ (Salmo 139:23, 24). Letiʼeʼ seguro u yáantkech (1 Pedro 3:12).
a U kʼaabaʼ Dioseʼ Jéeoba (Salmo 83:18).
«Mix juntéen kaʼach múul kulaken yéetel juntúul máak sak u wíinklil […]. Tin wuʼuyaj tiaʼanen ichil junpʼéel familia tuʼux táakaʼan jejeláas máakoʼobeʼ» (TITUS).
Maʼ xaaneʼ jeʼel u yutstal xan ta wicheʼ
¡MAʼ U NÁAYAL A WÓOLEʼEX!
¿Yaan wa u xuʼulul u pʼektikuba máak yoʼolal u raza? | ¿Baʼax ku yaʼalik le Biblia yoʼolal leloʼ?
U millonesil máakoʼobeʼ táan u yáantaʼaloʼob yéetel le Biblia utiaʼal ka u kan u yeʼesoʼob yaabilaj yéetel respeto tiʼ u maasiloʼ.
LE MÁAX KU KANANOʼ
Jéeobaeʼ «mix máak jelaʼan u paktik»
U KAʼANSAJ LE BIBLIAOʼ
Kʼáat ka tsʼaʼabaktech xook
Kʼáat ka tsʼaʼabaktech xook yéetel le Bibliaoʼ, ilawil bix jeʼel a beetik le baʼax ka kanikoʼ.
