Pamelaeʼ ku yaʼalik: «Yaʼab u téenel sajakchajen le táan u tsʼaʼakal le cáncer yaantenoʼ. Chéen baʼaleʼ kéen orarnaken tiʼ Jéeobaeʼ maas tranquila in wuʼuyikinba yéetel maʼ tin chiʼichnaktal. Láayliʼ táan in muʼyaj yoʼolal le kʼojaʼanilaʼ, chéen baʼaleʼ le oraciónoʼ jach ku yáantken. Kéen kʼáataʼakten bix in wuʼuyikinbaeʼ, kin waʼalik: ‹Maʼ maʼalobiʼ, chéen baʼaleʼ kiʼimak in wóol›».

U jaajileʼ maʼ tsaaj ka muʼyajnak máak utiaʼal ka orarnak tiʼ Diosiʼ. Tuláakloʼon k-aktáantik jejeláas problemas, le oʼolal ku kʼaʼabéettal k-áantaʼal. ¿Jeʼel wa u yáantkoʼon le oraciónoʼ?

Le Bibliaoʼ ku yaʼalik: «Pʼat a kuuch tiʼ Jéeoba, letiʼ túuneʼ yaan u yáantkech. Letiʼeʼ mix bikʼin ken u chaʼa u lúubul le máax utsoʼ» (Salmo 55:22). ¿Máasaʼ jach jatsʼuts le baʼax ku yaʼalik le Bibliaaʼ? Bey túunoʼ, ¿bix jeʼel u yáantkoʼon le oraciónoʼ? Wa k-orar jeʼex u yaʼaliktoʼon Dioseʼ, letiʼeʼ yaan u yáantkoʼon k-aktáant le problemasoʼ (ilawil le cuadro « Utsiloʼob ku taasik le oraciónoʼ»).