¡AAJKECH! 2020, núm. 2 | ¿Baʼaxten ku muʼyaj máak?
Tuláakloʼon k-muʼyaj yoʼolal wa baʼax, maʼ xaaneʼ yoʼolal junpʼéel kʼojaʼanil, junpʼéel nojoch loob, le kʼasaʼaniloʼ wa yoʼolal uláakʼ baʼal.
Yaʼab máakoʼobeʼ taak u yojéeltikoʼob baʼaxten ku yúuchul le baʼaloʼobaʼ.
Yanoʼobeʼ ku yaʼalikoʼobeʼ u destino máak u muʼyaj yéetel ku tuklikoʼobeʼ mix máak jeʼel u páajtal u yáantkoʼobeʼ
Uláakʼoʼobeʼ ku yaʼalikoʼobeʼ k-muʼyaj yoʼolal wa baʼax kʼaas táan k-beetik teʼ kʼiinoʼobaʼ wa tiʼ uláakʼ kuxtal anchajtoʼon
Yaan kʼiineʼ le máaxoʼob ku muʼyajoʼoboʼ maʼ u yojloʼob baʼaxten ku yúuchultiʼob baʼaloʼob kʼaastakiʼ.
Baʼaxoʼob ku creertaʼal
Ilawil baʼax ku creertik uláakʼ religiónoʼob yoʼolal baʼaxten ku muʼyaj máak.
1 ¿Dios wa beetik u muʼyaj máak?
Tiʼ yaʼab máak tsʼoʼok u kaʼansaʼal Dios beetik k-muʼyaj, ¿jaaj wa le baʼax ku kaʼansaʼalaʼ?
2 ¿Tiʼ toʼon wa yaan u culpail le baʼaxoʼob k-muʼyajtikoʼ?
Wa tiʼ toʼon yaan u culpaileʼ, u kʼáat u yaʼal tu kʼab máak yaan maʼ u sen muʼyaj.
3 ¿Baʼaxten ku muʼyaj le máaxoʼob utsoʼoboʼ?
Le Bibliaoʼ jeʼel u yáantkoʼon k-naʼat lelaʼ.
4 ¿Tu beetoʼon wa Dios chéen utiaʼal k-muʼyaj?
¿Baʼaxten tu beetaj Dios junpʼéel jatsʼuts Luʼum utiaʼal k-kajtal wa u yojel chéen k-muʼyaj ken k-beetiʼ? Wa maʼeʼ, ¿baʼaxten túun k-muʼyaj?
5 ¿Yaan wa u kʼuchul u kʼiinil u xuʼulul k-muʼyaj?
Le Bibliaoʼ ku yaʼalik bix kun xuʼulsbil tumen Dios le muʼyajiloʼ.
Tuʼux jeʼel a kaxtik áantajeʼ
Kex jejeláas baʼaloʼob k-aktáantikeʼ yaan tuʼux jeʼel a kaxtik áantajeʼ.
