Le baʼaxoʼob ku yúuchul teʼ yóokʼol kaabaʼ jeʼel u beetik u kʼojaʼantal máakeʼ.

• Kéen yanak problemas tiʼ máakeʼ u suukileʼ ku estresar yéetel wa ku sen estresareʼ maas séeb jeʼel u kʼojaʼantaleʼ.

• Yaan kʼiin xaneʼ maʼ tu páajtal u atendertaʼal le máakoʼob teʼ hospitaloʼoboʼ yéetel ku káajal u xuʼupul le tsʼaakoʼoboʼ.

• Tsʼoʼoleʼ istikyaj u kaxtik máak taakʼin utiaʼal u manik u yoʼoch wa u tsʼaak.

• Junpʼéel kʼojaʼanil jach grave yéetel u sen estresarkuba máakeʼ jeʼel u beetik maʼ u chʼaʼik junpʼéel maʼalob decisióneʼ yéetel maʼ u yéeyik tubeel baʼax tratamientoil ken u kʼameʼ. Kéen úuchuk tiʼ máak beyaʼ ku maas kʼojaʼankúunskuba.

• Wa maʼ tu bin máak yiknal doctor utiaʼal u kʼamik junpʼéel tratamientoeʼ jeʼel u maastal u kʼojaʼanileʼ yéetel yaan kʼiineʼ jeʼel tak u kíimileʼ.

• Wa ku kanáantkuba máakeʼ maas fácil ken u chʼaʼ maʼalob decisiónoʼob.

• Tsʼoʼoleʼ kex ayikʼal máak wa óotsileʼ yaʼab baʼaloʼob jeʼel u páajtal u beetik utiaʼal u kanáantik u toj óolaleʼ.

Juntúul máax yaan u naʼateʼ tak tuʼux ku páajtaleʼ ku yilik u kanáantkuba utiaʼal maʼ u kʼojaʼantal. Le oʼolaleʼ pʼat limpioil a wíinklil bey xan a wotoch. U jaajileʼ maas maʼalob ka a wil a kanáantkaba beoraeʼ ke ka xiʼikech waʼatal yiknal doctor.

«Wa ku yilik máak u pʼáatal limpioil u wíinklil bey xan u yotocheʼ maʼ ten u xuʼuxup u taakʼin yiknal doctor mix utiaʼal u manik tsʼaak» (Andreas). *