KʼAAY 69
Kʼaʼayt u Reino Dios
-
1. Teʼ kʼiinoʼobaʼ toʼoneʼ táan k-kʼaʼaytaj.
Táan k-kaʼansik tuláakal máak
utiaʼal u kʼaj óoltkoʼob u jaajil
tu yoʼolal u Reino Dios.
Le xuʼulsajoʼ jach táan u náatsʼal
le oʼolal k-ilik k-kʼaʼaytajtiʼob.
Le yaabilajoʼ yaan u péekskoʼon
utiaʼal k-áantik le máax utsoʼ.
(CORO)
Koʼoneʼex kʼaʼaytik sáamsamal u Reino
tiʼ tuláakal máak.
Koʼoneʼex beetik yéetel chúukaʼan óolal
chéen baʼax uts tu tʼaan.
-
2. Teʼ kʼiinaʼ jach yaʼabach sukuʼunoʼob
ku kʼaʼaytkoʼob u Reino Dios.
Le kiikoʼoboʼ táan xan u yeʼeskoʼob
jach kʼaʼanaʼan le kʼaʼaytajoʼ.
Le yéeyaʼanoʼoboʼ táan u beetkoʼob
tu yéeteloʼob le meyajaʼ.
Chéen yéetel u yáantaj Jéeoba Dios
k-bisik tiʼ tuláakal u Tʼaan.
(CORO)
Koʼoneʼex kʼaʼaytik sáamsamal u Reino
tiʼ tuláakal máak.
Koʼoneʼex beetik yéetel chúukaʼan óolal
chéen baʼax uts tu tʼaan.
(Ilaʼak xan Sal. 23:4; Bax. 4:29, 31; 1 Ped. 2:21.)