1. Koʼoneʼex eʼesik chúukaʼan óolal

tiʼ Jéeoba Dios sáamsamal.

Tsʼoʼok u tsʼáaiktoʼon u tsolnuʼukoʼob,

tsʼoʼok u síik tiʼ toʼon u Tʼaan.

Jach ku yeʼesik chúukaʼan óolal

tiʼ máax kieʼesik yaabilaj.

Koʼoneʼex eʼesik chúukaʼan óolal

tiaʼal ka pʼáatkoʼon tu yiknal.

2. Koʼoneʼex eʼesik chúukaʼan óolal

tiʼ k-sukuʼunoʼob sáamsamal.

Kéen u máansoʼob talmiloʼobeʼ

yaan k-kanáantikoʼob mantatsʼ.

U Tʼaan Dioseʼ jach ku yáantkoʼon

tiaʼal ka k-eʼestiʼob yaabilaj.

Kʼaʼabéet k-áantkoʼob tiaʼal u páajtal

k-múul meyaj utiaʼal Jéeoba.

3. Koʼoneʼex eʼesik chúukaʼan óolal

tiʼ u kaajal Jéeoba Dios.

Kʼaʼabéet k-uʼuyik le tsolnuʼukoʼob

yéetel kiʼimak óolaloʼ.

Kex yaan hora maʼ chéen chʼaʼabil

k-uʼuyik u tsolnuʼukoʼobeʼ

jach yaan k-eʼesik chúukaʼan óolal

tumen k-yaabiltmaj Jéeoba.