KʼAAY 111
Baʼaxoʼob kiʼimakkúuntik k-óol
-
1. Nojoch kiʼimak óolal táan k-uʼuyik
mantatsʼ ich u kaajal Jéeoba
tumen táan k-ilik bix u náatsʼal
yaʼab máakoʼob u kʼáatoʼob kuxtal.
U Tʼaan Jéeoba Dioseʼ ku yáantkoʼon
utiaʼal u sen kiʼimaktal k-óol.
Le oʼolal táan k-kaʼansik yaʼab máakoʼob
utiaʼal u kʼamkoʼob utsiloʼob.
Nojoch kiʼimak óolal táan k-uʼuyik
tumen tiʼ Jéeoba Dios u taal.
Kex ka yanak talamiloʼobeʼ
jach yaan u kanáantkoʼon mantatsʼ.
(CORO)
Jach u yaabiltmoʼon Jéeoba Dios,
le oʼolal ku kiʼimaktal k-óol.
Tuláakal le baʼax u beetmaj letiʼoʼ
ku yeʼesiktoʼon u yutsiloʼ.
-
2. Tuláakal le baʼax yaan way Luʼumoʼ
jatsʼuts bix u beetmil Jéeoba.
Le kiʼichkelem baʼaloʼob yanoʼoboʼ
ku tsʼáaikoʼob nojbeʼenil tiʼ Dios.
Le máakoʼoboʼ kʼaʼabéet yojéeltkoʼob
baʼax kiaʼalik u Tʼaan Jéeoba Dios.
Le oʼolaleʼ táan k-tsʼáaik kʼaj óoltbil
táan u náatsʼal u Reino Dios.
Yaan u jatsʼutskíinsaʼal le Luʼumaʼ
yéetel yaan k-kʼamik utsiloʼob.
Táan k-páaʼtik yéetel kiʼimak óolal
u béeychajal baʼax kiaʼalik Dios.
(CORO)
Jach u yaabiltmoʼon Jéeoba Dios,
le oʼolal ku kiʼimaktal k-óol.
Tuláakal le baʼax u beetmaj letiʼoʼ
ku yeʼesiktoʼon u yutsiloʼ.
(Ilaʼak xan Deu. 16:15; Isa. 12:6; Juan 15:11.)
