1. Le baʼaxoʼob ku tsʼáaik kiʼimak óoloʼ

jatsʼuts yéetel koʼoj u tojol.

Teʼ kʼiinoʼobaʼ jach yaʼabach máakoʼob

u kʼáatoʼob xan náatsʼal tiʼ Dios.

Ku tsʼáaik xan toʼon yaʼab kiʼimak óolal

k-xokik u Tʼaan Dios sáamsamal.

Táan k-kaʼansik mantatsʼ tiʼ le máakoʼob

le baʼax ken u beet Yuumtsiloʼ.

Chéen Dios tsʼáaik tiʼ toʼon kiʼimak óolal,

lelaʼ jach ku yáantkoʼon mantatsʼ.

Kex ka sen yanak talmiloʼobeʼ

Dioseʼ ku kanáantkoʼon tubeel.

 2. Le baʼaxoʼob yaan way yóokʼol kaaboʼ

ku yeʼeskoʼob u páajtalil Dios.

Le kiʼichkelem baʼaloʼob yanoʼoboʼ

ku tsʼáaikoʼob nojbeʼenil tiʼ Dios.

Táan k-kʼaʼaytik yéetel kiʼimak óolal

tu náatsʼal u Reino Jéeoba.

Le baʼaxoʼob ken u beet le Reinooʼ

yaan u tsʼáaiktoʼon yaʼab utsiloʼob.

Táan k-kʼaʼaytik yéetel chúukaʼan óolal

nojoch kiʼimak óol kun antal.

Táan k-páaʼtik k-ilik bix kun sáastal

tu yáanal u Reino Jéeoba.