JAATSIL 3
¿Bix le kuxtal kaʼach tu jardínil Edénoʼ?
Jéeobaeʼ tu tsʼáaj yaʼab baʼaloʼob jatsʼutstak tiʼ Adán yéetel Eva (Génesis 1:28)
Jéeobaeʼ tu beetaj Eva, le yáax koʼoleloʼ. Ka tsʼoʼokeʼ tu tsʼáaj tiʼ Adán utiaʼal ka tsʼoʼokok u beel tu yéetel (Génesis 2:21, 22).
Le ka beetaʼab Adán yéetel Eva tumen Dioseʼ minaʼan u kʼebanoʼob. Mix baʼal kʼaas yaan tu tuukuloʼob mix tu wíinkliloʼob.
Kajaʼanoʼob kaʼach Edén: lelaʼ junpʼéel kiʼichkelem jardín, yaan junpʼéel ríoiʼ, cheʼob yéetel baʼalcheʼob. Junpʼéel paraíso kaʼachi.
Jéeobaeʼ ku tsikbal kaʼach tu yéeteloʼob yéetel tu kaʼansaj yaʼab baʼaloʼob tiʼob. Wa ka u yuʼuboʼob kaʼach u tʼaan Dioseʼ mix bikʼin kun kíimloʼob.
Dioseʼ tu yaʼalajtiʼob maʼ u jaantikoʼob u yich junkúul cheʼ (Génesis 2:16, 17)
Juntúul ángeleʼ tu tsʼáajuba tu contra Dios. Le kʼasaʼan ángelaʼ Satanás, le Kʼaasilbaʼaloʼ.
Dioseʼ tu yeʼesaj tiʼ Adán yéetel Eva junkúul cheʼ. Ka tu yaʼalajtiʼob maʼ u jaantikoʼob u yich tumen wa ku jaantikoʼobeʼ yaan u kíimloʼob.
Satanáseʼ maʼ u kʼáat kaʼach ka u yuʼuboʼob tʼaaniʼ. Meyajnajtiʼ juntúul kaan utiaʼal u yaʼalik tiʼ Eva maʼ kun kíimil wa ku jaantik u yich le cheʼoʼ. Hasta tu yaʼalajtiʼeʼ yaan u pʼáatal bey Dioseʼ. ¡Jach séeb tuʼusikoʼob! (Génesis 3:1-5).
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Baʼaxten tu beetaj Dios le Luʼumaʼ?
Le bix u suut le Luʼum, le bukaʼaj u náachil tiʼ le Kʼiin yéetel le bix tsʼaʼanil le Lunaoʼ, ku yáantaj utiaʼal u jatsʼutstal le kuxtal way Luʼumoʼ. ¿Baʼaxten jach tu tsʼáaj u yóol Dios u jatsʼutskíinte?
LE BIBLIAOʼ TIʼ BAʼAX KU TʼAAN
Le Máax beet tuláakal baʼaloʼ tu síiaj upʼéel paraíso tiʼ wíinikoʼob
¿Bix u yaʼalik le Biblia úuchik u beetaʼal wíinikoʼ? ¿Baʼax tu yaʼalaj Dios tiʼ letiʼob ka u beetoʼob?
