U káajbal le jaats 2
¿Baʼaxten tu xuʼulsaj Jéeoba úuchjeakil le máakoʼob yéetel junpʼéel búulkabaloʼ? Desde ka beetaʼab wíinikeʼ anchaj máakoʼob beet baʼax uts bey xan baʼax kʼaas. Jujuntúul máakoʼob jeʼex Adán, Eva bey xan Caín, u hijoʼobeʼ, tu chʼaʼtukloʼob u beetkoʼob baʼax kʼaas. Chéen baʼaleʼ anchaj jujuntúul máakoʼob beet baʼax uts jeʼex Abel yéetel Noeoʼ. U maas yaʼabil tiʼ le máakoʼoboʼ tu sen beetoʼob baʼaloʼob kʼaastak, le oʼolal xuʼulsaʼaboʼob tumen Jéeoba. Teʼ jaatsaʼ yaan k-kanikeʼ Jéeobaeʼ ku yilik wa táan k-beetik baʼax uts wa baʼax kʼaas, tsʼoʼoleʼ yaan k-ilkeʼ letiʼeʼ yaan u xuʼulsik le kʼasaʼaniloʼ.
BAʼAX YAAN TEʼ JAATSAʼ
XOOKIL 3
Adán yéetel Evaeʼ maʼ tu yuʼuboʼob tʼaaniʼ
¿Baʼaxten jelaʼan kaʼach junkúul tiʼ le cheʼob yaan tu jardinil Edenoʼ? ¿Baʼaxten tu jaantaj Eva u yich le cheʼoʼ?
XOOKIL 4
Le pʼuʼujuloʼ ku bisik máak u beet baʼax kʼaas
Dioseʼ tu kʼamaj le baʼax tu kʼubaj Abeloʼ, baʼaleʼ maʼ tu kʼamaj utiaʼal Caíniʼ. Caíneʼ jach pʼuʼujeʼ ka tu beetaj junpʼéel baʼal jach kʼaas.
XOOKIL 5
Noeeʼ tu beetaj junpʼéel arca
Ka anchaj u paalal le kʼasaʼan angeloʼoboʼ jach kʼasaʼanoʼob jeʼex u maasil máakoʼoboʼ. Noeeʼ maʼ beyiʼ, letiʼeʼ u yaabiltmaj Dios yéetel ku yuʼubik tʼaan.
XOOKIL 6
Ocho máakoʼob tu salvartubaʼob
Kʼáax jaʼ ich 40 kʼiinoʼob yéetel 40 áakʼaboʼob. Maas tiʼ junpʼéel año tu beetaj Noé yéetel u láakʼtsiloʼob teʼ arcaoʼ ka aʼalaʼabtiʼob tumen Dios ka jóokʼoʼob.
