Desde enero tiʼ 2016, tu paach U Pʼíich Tulumil Kanan utiaʼal kʼaʼaytajoʼ káaj u jóokʼol le jaats «Baʼax ku yaʼalik le Bibliaoʼ». Lelaʼ bey junpʼéel tratadoeʼ yéetel jeʼel u yáantkoʼon k-káajs k-tsikbal yoʼolal le Bibliaoʼ. Ku taasik junpʼéel kʼáatchiʼ, tekstoʼob núukik le kʼáatchiʼoʼ bey xan uláakʼ baʼaloʼob utiaʼal xokbil.

Wa u yuumil naj jatsʼuts u yuʼubik le tsikbaloʼ maas jeʼel u taaktal u xookeʼ. Yéetel le túumben jaatsaʼ jeʼel u páajtal k-áantik maas yaʼab máakoʼob u natsʼubaʼob tiʼ Dioseʼ (Mt 5:6).

1. Kʼáat tiʼ u yuumil naj baʼax ku tuklik yoʼolal junpʼéel tiʼ le kʼáatchiʼoboʼ

2. Uʼuy baʼax ken u núuke, tsʼáa u diosboʼotikil tiʼ

3. Xok le teksto tsʼaʼan yáanal le joʼol xook «Baʼax ku yaʼalik le Bibliaoʼ», yéetel kʼáattiʼ baʼax ku tuklik. Wa yaan tiempo tiʼeʼ xakʼalt le joʼol xook «Baʼax uláakʼ ku yaʼalik le Bibliaoʼ»

4. Pʼat le revista tiʼoʼ

5. Aʼal baʼax kʼiin a suut utiaʼal a xakʼaltikeʼex le uláakʼ kʼáatchiʼoʼ