Cada añoeʼ u milesil máakoʼob táan u yokjaʼob, le beetik u kaajal Jéeobaeʼ táan u maas nojochtal yéetel táan u maas yaʼabtal le tuʼuxoʼob ku adorartaʼaloʼ. Ichil le año de servicio 2020, u departamentoil Diseño yéetel Construcción yaan tiʼ tuláakal yokʼol kaaboʼ u programarmaj kaʼach ka beetaʼak yéetel ka utskíintaʼak 2,700 lugaroʼob tuʼux ku adorartaʼal Jéeoba. a

 Chéen baʼaleʼ le coronavirusoʼ tsʼoʼok u beetik u jach talamtal u tsʼoʼokbesaʼal le meyajoʼobaʼ. Utiaʼal u kanáantaʼal le sukuʼunoʼob bey xan utiaʼal u beetaʼal baʼax ku yaʼalik le gobiernooʼ, le Cuerpo Gobernanteoʼ tu yaʼalaj ka xuʼuluk u beetaʼal le meyajoʼobaʼ. Chéen baʼaleʼ ichil le año de servicio 2020, táanil tiʼ u káajal le pandemiaoʼ, béeychaj u beetaʼal yéetel u jel utskíintaʼal maas tiʼ 1,700 najoʼob tuʼux ku adorartaʼal Jéeoba. Tsʼoʼoleʼ béeychaj xan u tsʼoʼokbesaʼal maas tiʼ 100 meyajoʼob programartaʼan kaʼach u beetaʼal tumen u najiloʼob Betel. Koʼox ilik kaʼapʼéel tiʼ le meyaj tsʼoʼok u beetaʼaloʼ yéetel bix tsʼoʼok u yáantik le sukuʼunoʼoboʼ.

 U Betelil Camerún. Le úuchben Betel yaan tu kaajil Dualaoʼ jach chichan yéetel yaʼab baʼaloʼob kʼaʼabéet u yutskíintaʼal kaʼachiʼ. Le Comité de Publicaciónoʼ taak kaʼach u yutskíintik u Najil Betel pero tu yilaj jach koʼoj jeʼel u tojoltik tiʼeʼ. Tsʼoʼoleʼ joʼopʼ xan u yilkoʼob wa yaan uláakʼ tuʼux jeʼel u páajtal u beetaʼal u Najil Beteleʼ, pero maʼ béeychajiʼ.

 Teʼ kʼiinoʼob jeʼeloʼ le sukuʼunoʼoboʼ tu yojéeltoʼobeʼ le gobiernooʼ taak u beetik junpʼéel carretera tu xamanil u kaajil Duala, jach le tuʼux yaan u Najil Asambleaoʼ. Le túumben carreteraaʼ jach yaʼab bix kun yáantaj, yaan u meyaj utiaʼal u séeb kʼuchul máak tu Najil Betel bey xan utiaʼal u bisaʼal wa u taasaʼal le baʼaxoʼob kun kʼaʼabéettaloʼ. Letiʼe baʼax jach táan k-kaxtik kaʼachoʼ. Le Cuerpo Gobernanteoʼ yéetel kiʼimak óolal tu yaʼalaj ka beetaʼak u Najil Betel teʼ lugaroʼ.

 Utiaʼal u beetaʼal le meyajaʼ le sukuʼunoʼoboʼ tu contratartoʼob junpʼéel empresa ku beetik najoʼob, lelaʼ áantajnaj utiaʼal u séeb beetaʼal yéetel maʼ u sen xuʼupul yaʼab taakʼin. Úuchik u beetaʼal beyaʼ ahorrartaʼab maas tiʼ dos millones de dólares. Tsʼoʼoleʼ le betelitaʼoboʼ páajchaj u máanoʼob teʼ túumben Sucursal junpʼíit antes tiʼ u káajal u pandemiail le coronavirusoʼ.

 Bejlaʼeʼ le betelitaʼob yanoʼob Camerúnoʼ maas maʼalob tuʼux kajaʼanoʼob yéetel tuʼux ku meyajoʼob, letiʼobeʼ ku yilkoʼob u Najil Betel bey junpʼéel u nojoch siibal Jéeobaeʼ. Junpʼéel matrimonioeʼ ku yaʼalik: «Jach táaj kiʼimak k-óol yoʼolal le jatsʼuts siibalaʼ, hasta taak k-maas meyaj».

 U oficinail traducción ich tojolabal (México). Le sukuʼunoʼob ku traduciroʼob ich tojolabaloʼ máan yaʼab años tiʼ ku meyajoʼob tu Betelil Centroaméricaeʼ, le Betel jeʼelaʼ tiaʼan tu kaajil Méxicoeʼ. Chéen baʼaleʼ le idioma tojolabaloʼ maases ku tʼaʼanal tu kaajiloʼob Altamirano yéetel Las Margaritas, kex 1,000 kilómetros tiʼ u Najil Betel. Le oʼolal le traductoroʼoboʼ ku talamtal kaʼach u yuʼubikoʼob bix u tʼaʼanal le idiomaoʼ, tsʼoʼoleʼ ku talamtal xan u kaxtaʼal sukuʼunoʼob utiaʼal u yáantajoʼob traducir bey xan utiaʼal u grabarkoʼob le publicaciónoʼoboʼ.

 Tu yoʼolal lelaʼ le Cuerpo Gobernanteoʼ tu chʼaʼtuklaj ka yanak le traductoroʼob tuʼux ku tʼaʼanal le idiomaoʼ. U Najil Betel túuneʼ tu manaj junpʼéel edificio ka tu yutskíintaj. Lelaʼ maas barato jóokʼik ke ka beetaʼak wa ka rentartaʼak oficinaoʼob.

 Juntúul traductoreʼ ku yaʼalik bix u yuʼubikuba: «Ichil le 10 años meyajnajen tu Najil Beteloʼ mix junpʼéel familia tin kʼaj óoltaj ka u tʼan tojolabal. Chéen baʼaleʼ bejlaʼeʼ le oficinaoʼ jach tiʼ yaan tuʼux ku tʼaʼanal le idiomaoʼ yéetel bejlaʼeʼ sáamsamal ku béeytal in tsikbal yéetel le máaxoʼob tʼanik tojolabaloʼ. Lelaʼ tsʼoʼok u yáantken utiaʼal in traducir maas maʼalob».

 Teʼ año de servicio 2021, wa ku béeytaleʼ, yaan u beetaʼal 75 u najiloʼob traducción bey xan escuelaʼob utiaʼal u kaʼansaʼal u testigoʼob Jéeoba. Táan xan u tuklaʼal u beetaʼal nukuch meyajoʼob tiʼ ocho u najiloʼob Betel, ichileʼ takaʼan le meyaj kun beetbil Rámapo (Nueva York) bey xan u máansaʼal yaanal tuʼux u Najil Betel yaan Argentina yéetel Italiaoʼ. Tsʼoʼoleʼ kʼaʼabéet xan u beetaʼal 1,000 u pʼéelal u najiloʼob Reino, u jel beetaʼal yaanal tuʼux maas tiʼ 6,000 yéetel u yutskíintaʼal 4,000 u pʼéelaliʼ.

 ¿Tuʼux ku chʼaʼabal u tojol le bukaʼaj meyajaʼ? Le sukuʼun Lázaro González, táakaʼan ichil le Comité de Sucursal yaan Centroaméricaoʼ, ku yaʼalik yoʼolal le meyaj beetaʼab tu Oficinail Traducción ich tojolabaloʼ: «Le sukuʼunoʼoboʼ maʼ ayikʼaloʼobiʼ, tuláakal le meyajoʼ ku béeytal chéen tu yoʼolal u yáantaj le sukuʼunoʼob yanoʼob tiʼ tuláakal yokʼol kaaboʼ. Le baʼax ku síik le sukuʼunoʼoboʼ ku meyaj utiaʼal u bisaʼal le traductoroʼob tak tuʼux ku tʼaʼanal le idiomaoʼ. Diosboʼotik yoʼolal le donaciónoʼob ka tsʼáaikeʼexoʼ». Jeʼex a wilkoʼ le nukuch meyajoʼobaʼ ku béeytal chéen yoʼolal le siibaloʼob ku tsʼáaik le sukuʼunoʼob yanoʼob tiʼ tuláakal yokʼol kaaboʼ. Yaʼab tiʼ le donaciónoʼobaʼ ku túuxtaʼal donate.jw.org.