GURUY NI 57

Uw Rogon ni Faanra Kam Rin’ Reb e Denen nib Ubchiya’?

PLAY

Yugu aram rogon nrib t’uf Jehovah rom ma ri ga ma guy rogon ndab mu rin’ ban’en nra kirebnag laniyan’, machane bay yu ngiyal’ ni ga ra oloboch. Yugu aram rogon, ma bay boch e denen nib gel e kireb riy nga boch. (1 Korinth 6:9, 10) Faanra kam rin’ reb e denen nib ubchiya’ ma dab mu pagtalin ni ka gab t’uf rok Jehovah, mab m’agan’ ngay ni nge n’ag fan rom me ayuwegem.

1. Mang e thingar da rin’ed ya nge yag ni n’ag Jehovah fan e denen rodad?

Piin nib t’uf Jehovah rorad e rib gel e kireban’ ni yad ma tay u nap’an ni yad ra nang ni kar rin’ed reb e denen nib ubchiya’. Machane n’en ni micheg Jehovah ko girdi’ rok e rayog ni nge fal’eg lanin’rad. I gaar: “Denen ni kam lukgad ngay e rib gagiyel nib ramaen row, machane bay gu maluknagmed ngam beechgad ni bod feni beech e ayis ni ma mul u lang nga but’.” (Isaiah 1:18) Faanra riyul’ ni kad kalgadngan’dad, ma ra n’ag Jehovah fan e denen rodad. Uw rogon ni ngad kalgadngan’dad? Aram e ngari kireban’dad ko n’en kad rin’ed, ma gad tal i rin’ e tin nib kireb ban’en, ma gad wenig ngak Jehovah ni nge n’ag fan rodad. Ngemu’ ma gad athamgil u rogon nrayog rodad ni ngad thilyeged e lem nib kireb ara ngongol nib kireb ni kad mechamgad ngay ni ir e waliydad i yan ko denen, ma gad guy rogon ni nge puluw e ngongol rodad ko pi motochiyel rok Jehovah.—Mu beeg e Isaiah 55:6, 7.

2. Uw rogon ni ma fanay Jehovah e piin piilal ni ngar ayuweged gadad u nap’an ni kad denengad?

Faanra kad rin’ed reb e denen nib ubchiya’ ma be yog Jehovah ngodad ni ngad ‘pininged e piin ni yad piilal’ ko ulung. (Mu beeg e James 5:14, 15.) Pi piilal ney e ba t’uf Jehovah nge pi saf rok rorad. Kan fil ngorad rogon ni ngar ayuweged gadad ni ngki fel’ e tha’ u thildad Jehovah bayay.—Galatia 6:1.

Uw rogon ni ma ayuwegdad e piin piilal u nap’an ni kad rin’ed reb e denen nib ubchiya’? Ra fanay l’agruw ara dalip e piilal e fonow u lan e Bible ni ngar yal’uweged gadad. Ku yad ra pi’ boch e fonow ni nge ayuwegdad ndab kud denengad bayay. Ku rayog ni ngar taleged gadad ndab kud uned i rin’ boch ban’en u lan e ulung nge mada’ ko ngiyal’ ni ke fel’ e tha’ u thildad Jehovah bayay. Ku ra tharbog e piin piilal be’ ni be rin’ boch e denen nib ubchiya’ ma der kalngan’ ya nge dabi magawonnag e tin ka bay e girdi’ u lan e ulung.

KUM FIL BOCH BAN’EN U MURUNG’AGEN

Mu fil rogon ni ngari ga’ fan u wan’um rogon ni ma ayuwegdad Jehovah u nap’an ni kad rin’ed reb e denen nib ubchiya’.

3. Gad ra yog e denen rodad ma rayog ni ngki fel’ thildad Jehovah bayay

Gubin e denen ni gad ma rin’ ma ma kirebnag laniyan’ Jehovah, ere ir e bay rogon ni nga dogned e denen rodad ngak. Mu beegew e Psalm 32:1-5, mi gimew weliy e fulweg ko re deer ni baaray:

Mang fan nib fel’ ni nga dogned e denen rodad ngak Jehovah ko bin ngad guyed rogon ni ngad mithaged?

Nap’an ni gad ra ning e ayuw ko piin piilal u tomuren ni ka dogned e denen rodad ngak Jehovah ma ra baud boch lanin’dad. Mu yaliyew e re VIDEO ney, mi gimew weliy e fulweg ko re deer ni baaray.

VIDEO: “Those Whom Jehovah Loves He Disciplines” (3:01)

Uw rogon ni ayuweg e piin piilal Canon ni nge sul ngak Jehovah?

Ba t’uf ni ngad weliyed gubin ban’en ngak e piin piilal u fithik’ e yul’yul’ ya yad e kan tayrad ni ngar ayuweged gadad. Mu beegew e James 5:16, mi gimew weliy e fulweg ko re deer ni baaray:

Faan gad ra yul’yul’ ko piin piilal, ma uw rogon nra mom ngorad ni ngar ayuweged gadad?

Mog e denen rom, ma gog e tin riyul’ ko piin piilal, me m’agan’um nga rogon nra ayuwegem Jehovah u fithik’ e t’ufeg

4. Fan nib fel’ ni ngan tharbog be’ ko ulung

Faanra ke rin’ be’ reb e denen nib ubchiya’ me siyeg ni nge fol ko pi motochiyel rok Jehovah, ma aram e dabkiyog ni nge par u lan e ulung. Yira tharbog ko ulung, ma aram e dab kud chaggad ara da nonad ngak. Mu beegew e 1 Korinth 5:6, 11 nge 2 John 9-11, mi gimew weliy e fulweg ko re deer ni baaray:

Ri buchuuw e is me thownag ba flowa. Ere faanra un chag ngak be’ ni be denen nder kalngan’, ma uw rogon nra magawonnag e ulung?

Boor e girdi’ ni kan tharbograd ni yan i boch nga tomuren mar sulod ko ulung ni bochan e yugu aram rogon ni kireban’rad ni kan tharbograd, machane aram e n’en ke ayuwegrad ni ngar nanged nib kireb e n’en kar rin’ed. (Psalm 141:5) Mu yaliyew e re VIDEO ney, mi gimew weliy e fulweg ko re deer ni baaray.

VIDEO: Loyally Uphold Jehovah’s Judgments (9:28)

Bochan nni tharbog Sonja, ma uw rogon ni ayuweg?

Nap’an ni yira tharbog be’ ko ulung, ma uw rogon ni . . .

be m’ug riy ni yibe tayfan fithingan Jehovah?
be m’ug riy nib puluw rogon ni ma rin’ Jehovah ban’en ma ma t’ufegey?

5. Gad ra kalngan’dad ma ra n’ag Jehovah fan e denen rodad

I yog Jesus ba fanathin ni nge ayuwegdad ni nge tamilang u wan’dad rogon laniyan’ Jehovah u nap’an nra kal be’ ngan’. Mu beegew e Luke 15:1-7, mi gimew weliy e fulweg ko re deer ni baaray:

Mang e be fil e re n’ey ngom u murung’agen Jehovah?

Mu beegew e Ezekiel 33:11, mi gimew weliy e fulweg ko re deer ni baaray:

Mang e ba ga’ fan ni ngam rin’ ni ngam micheg ni karim kalngan’um ko denen rom?

Ri ma t’ufeg Jehovah e pi saf rok ni bod be’ ni ma gafaliy e saf

MA GAAR BOCH E GIRDI’: “Gu be rus ni nggog e denen rog ko piin piilal min tharbogeg.”

Mang e ga ra yog ngak be’ ni aray rogon e lem rok?

N’EN KAN FIL

Faanra kad rin’ed reb e denen nib ubchiya’ machane riyul’ ni kar da kalgadngan’dad ma kad dugliyed u wan’dad ni ngad taleged e n’en nib kireb ni gad be rin’, ma aram e ra n’ag Jehovah fan rodad.

Ngan Sul u Daken

Mang fan nib fel’ ni nga dogned ngak Jehovah e denen ni kad rin’ed?
Mang e ba t’uf ni ngad rin’ed ya nge yag ni ngan n’ag fan e denen rodad?
Faanra kad rin’ed reb e denen nib ubchiya’, ma mang fan nsusun e ngad ninged e ayuw ko piin piilal?

Kan mu’nag e re guruy ney ko:

N’en Ngam Nameg

Mu guy rogon ni ngam nang e piin piilal u lan e ulung.

Yugu boch ban’en:

Yugu boch ban’en