Mmel’eg boch e fanathin nib mom. Mu fanay boch ban’en ni manang e girdi’ ni ngam tamilangnag boch ban’en nib mo’maw’ ni ngan nang fan. Dab mu puthuy boch ban’en ko fanathin rom nra mo’maw’nag ni ngan nang fan. Mu guy rogon ni nge puluw e fanathin rom ko n’en ni ga be weliy ya nge dabi maathuk laniyan’ e piin be motoyil.

Mu lemnag e piin be motoyil ngom. Mmel’eg boch e fanathin ni bay rogon ko pi n’en ni ma rin’ e piin be motoyil ngom nge pi n’en nib ga’ fan u wan’rad. Mu guy rogon ndabi tamra’ e girdi’ ara ra damumuwgad ni bochan e fanathin ni kam fanay.

Mu tamilangnag e n’en th’abi ga’ fan. Mu fanay e fanathin nra tamilangnag e n’en th’abi ga’ fan ko n’en ni ga be weliy, ma gathi tin ni gathi rib ga’ fan riy. Mu guy rogon ni gathi kemus ni nge par fare fanathin u laniyan’ e piin be motoyil, machane ngkur filed ban’en riy.