Fulweg u 10 e Deer ni Ma Fith e Piin Fel’ Yangaren
Mu fil boch e fonow nrayog ni nge yib angin ngom me ayuwegem ni nge fel’ rogon e par rom.
DEER 1
Mang e Bin Riyul’ i Rarogog?
Faanra ga manang e pi n’en nib ga’ fan u wan’um, nge n’en ni gab gel riy, nge pi n’en ndabiyog rom, nge n’en ni ga be nameg, ma ra ayuwegem ni ngam dugliy boch ban’en u fithik’ e gonop u nap’an ni ke yib e towasar ngom.
DEER 2
Mang Fan ni Ma Magafan’ug Nga Rogon Yaag?
Dabum e n’en ni ga ma guy u nap’an ni ga ra sap nga therek, fa? Mang boch ban’en nib puluw nrayog ni ngam rin’ ya nge yag ni fel’ yaam?
DEER 3
Uw Rogon ni Nggu Weliy Lanin’ug ko Gallabthir Rog?
Pi n’ey e rayog ni nge ayuwegem ni nge mom rogon ni ngam weliy lanin’um ko gallabthir rom.
DEER 4
Uw Rogon ni Nggu Yal’uweg e Oloboch Rog?
Bay ba ngiyal’ nra taw ngay ma ga ra oloboch, ya gad gubin ni ma buch e re n’ey rodad. Ere mang e ga ra rin’?
DEER 5
Uw Rogon ni Faanra Yibe Gafgownageg u Skul?
Re n’ey e gathi be yip’ fan ndariy ban’en nrayog ni ngam rin’. Rayog ni ngam cham ngak be’ ni be gafgownagem ndab mu fanay paam.
DEER 6
Uw Rogon ni Nggu Siyeg e Towasar ko Pi Taab Yangar Rog?
Rayog ni nge mo’maw’ ngom ni ngam par ni gab mudugil ni fan ko tin ni ga manang nib fel’.
DEER 7
Uw Rogon ni Faanra Yibe Towasariyeg ni Nggu Un ko Par ko Pumoon nge Ppin?
Mu lemnag boch ban’en ni ke buch rok e piin fel’ yangaren ni kar rin’ed boch ban’en nsusun e dab rrin’ed.
DEER 8
Mang e Ba T’uf ni Nggu Nang u Murung’agen Be’ ni Kan Kol u Gelngiy?
Ba ga’ ni piin fel’ yangaren e ma buch e re n’ey rorad. Mang e ngam rin’ ko re n’ey ni ma buch?
DEER 9
Bay Tapgin ni Nge Mich u Wan’ug fare Machib ni Ke Sum e Girdi’ ko Gamanman, Fa?
Bin ngan e ir e ba puluw?
DEER 10
Uw Rogon Nrayog ni Nge Ayuwegeg e Thin nu Bible?
Boor e girdi’ ni ma yog ni thin ni bay u Bible e yigoo bogi yat, ara daki m’ag ko par rodad e ngiyal’ ney, ara kaygi mo’maw’ ni ngan nang fan. Pi n’ey e de riyul’.
