SANJA JA MLONDA Na. 1 2023 | Ŵandu Ŵakulagasika Nganisyo—Ana Baibulo Mpaka Jakamuchisye Chamtuli?
Pachilambo chosope chapasi ŵandu ŵajinji akulagasika nganisyo. Ŵandu ŵamitundu josope, ŵakutyochela madini gakulekanganalekangana, chinga ali ŵachinyamata kapena ŵachikulile, ŵakusichila kapena ŵakulaga, ŵalijiganye kapena ŵangalijiganya, akusimana ni yindu yayikusalagasya nganisyo. Ana ulwele wa kulagasika nganisyo uli wamtuli soni ana ulwelewu ukusiwakwaya chamtuli ŵandu? Magasiniji chijisale kusosekwa kwakupata chikamuchisyo chamtela wakuŵajilwa, nambosoni yampaka jitende Baibulo pakwakamuchisya ŵandu ŵakulwala ulwelewu m’matala gakulekanganalekangana.
Ŵandu Ŵajinji Pachilambopa Akulagasika Nganisyo
Mundu jwalijose mpaka alwale ulwele wa kulagasika nganisyo. Chayiwone kuti yajikusasala Baibulo mpaka yakamuchisye kuti aganisyeje chenene soni kuti amalane ni yindu yakulagasya nganisyo.
Mlungu Akusasamala ya Wawojo
Ligongo chichi akusosekwa kukulupilila kuti Yehofa akusiŵapikanichisya chenene wawojo kupundana ni mundu jwalijose?
1 | Apopeleje kwa Yehofa—“Mumtulileje Jwalakwe Yakudandawulisya Yenu Yosope”
Ana yili yakomboleka kumsalila Mlungu chindu chilichose chachikwalagasya nganisyo kapena chakuchidandawula? Ana lipopelo mpaka lyakamuchisye chamtuli ŵandu ŵakulagasika nganisyo?
2 | “Malemba Gakusatulimbikasya”
Baibulo jikusatupa chembecheyo chambone chakuti yindu yakupweteka yatukusasimana nayo chiyimale pachangakaŵapa.
3 | Yaŵasimene Nayo Ŵandu Ŵakusiŵasala M’Baibulo Mpaka Yakamuchisye
Ngani sya m’Baibulo syakusala ya achalume ni achakongwe ŵaŵasimene ni yindu yakulandana ni yatukusimana nayo m’weji, mpaka situkamuchisye kuti tukaliwonaga kuti tuli jika patukulimbana ni yindu yakutulagasya nganisyo.
4 | Baibulo Jikusatupa Malangiso Gakamuchisya
Chayiwone kuti kuŵalanga Baibulo soni kuliŵichila yakulinga yampaka ayikwanilisye mpaka kwakamuchisye kuti amalane ni yindu yakwalagasya nganisyo.
Ana Mpaka Twakamuchisye Chamtuli Ŵakulwala Ulwele wa Kulagasika Nganisyo?
Yindu mpaka yitandilesoni kumjendela mjawo jwakulagasika nganisyo naga wawojo akumkamuchisya.
