AJIMUCHE! Na. 1 2022 | Yindu Yampaka Yakamuchisye—M’chilambo Chakusakalachi
Yindu pachilambopa yikusakala mnope. Ŵanduwe tukulaga ligongo lya ngosi syachilengedwe soni yakusawusya yakusayitendekasya ŵandu. Pakuŵalanga magasiniji chamanyilile yampaka atende kuti alichenjeleje ku yakusawusyayi soni kuti ŵachenjeleje achalongo achimjawo.
Yindu Yampaka Yakamuchisye M’chilambo Chakusakalachi
Pasimene ni yindu yakogoya aŵeje ŵakoseka kulichenjela soni kwachenjela achalongo achimjawo.
1 | Asamalileje Chilu Chawo
Pakuchisamalila chenene chilu chawo yichakamuchisya kuti akalagasikaga nganisyo pasimene ni yakusawusya.
2 | Asamalileje Mbiya Soni Katundu Jwawo
Naga akusakamulichisya masengo mbiya mwalunda, yichakamuchisya mnope pachachisimana ni yakusawusya.
3 | Alimbisyeje Unasi Wawo
Alole yindu yampaka yakamuchisye kuti achenjele ulombela wawo, unasi ŵawo ni achimjawo soni kuti aŵeje paunasi wambone ni ŵanache ŵawo.
4 | Alimbisyeje Chembecheyo Chawo
Baibulo jikusatukamuchisya kuti tupilileje yakusawusya yatukusasimana nayo soni jikusatusalila yindu yatukwembecheya kusogolo.
Yayili M’magasiniji
Aŵalanje ngani syampaka syakamuchisye wawojo soni liŵasa lyawo kuti akombole kupilila yakusawusya yatukusimana nayo pachilambopa.
