Mpela mujwaŵechetele jwakulochesya Yesaya, tukuweni kukula kwa gulu ja Yehofa ja mbali ja pachilambo chapasi. (Yes. 54:2) Yeleyi yikutendekasya kuti pataŵidweje Nyumba sya Uchimwene syasambano, Malo ga Misongano soni nyumba sya Beteli. Nambo mkupita kwandaŵi nyumbasi sikusasosekwa kusisamalila soni kusilinganya. Yeleyi yikusatupa upile wakupeleka ndaŵi soni machili getu kwa Yehofa.

• Mpaka tukamule nawo masengo gakusamalila pa Nyumba ja Uchimwene pandaŵi jele kagulu ketu ka utumiki kakusamalila

• Mpaka tulipeleche kuti ŵane atujiganye mwampaka tulinganyile nyumba jetu ja Uchimwene

• Naga akusaka kukamuchisya pa masengo ga kulinganya soni kutaŵa kwa masiku gamnono mpaka tulembe fomu ja DC-50

• Naga akusaka kukamuchisya pa masengo ga kutaŵa soni kulinganya m’chilambo chawo, kapena m’chilambo chine kwa wiki jimo kapena kupunda pelepa, mpaka alembe fomu ja A-19

ALOLELE FIDIYO JAKUTI, MAPULANI GAKUTAŴA YINDU YASAMBANO GALI MKATI—KAMBALI KA FIDIYO, KANEKO AJANJE YIWUSYO YAKUYICHISYAYI:

• na gulu ja Yehofa jiŵele mkukamulichisya masengo chamtuli mafidiyo kutandila mu 2014?

• Ana gulu ja Yehofa jikwete mapulani gamtuli pakusaka kuti jikoposyeje mafidiyo gejinji? Ana chachitanda kutaŵa chakachi soni chachimalisya chakachi?

• Ana abale ni alongo mpaka akamuchisye chamtuli?

• Naga tukusaka kukamuchisya masengo gakutaŵa ku Ramapo, ligongo chichi tukusosekwa kulemba fomu ja DC-50 ni kamuchisyaga pa masengo gakutaŵa chiŵandika ni kumangwawoko?

• Ana pana umboni wamtuli wawukulosya kuti Yehofa ni jwakulongolela masengo gakutaŵaga?

• Ana mpaka tukamuchisye wuli masengo gakutaŵaga atamose kuti m’weji nganituŵa tusimanikweko?