YAKUTENDEKWA PAMSONGANO WA UNDUMETUME NI UMI WACIKLISTU October 2016
Yampaka Aŵecete
Yampaka aŵecete pagaŵila Ajimuce!, kapepala kakwaŵilanjila ŵandu ku msongano wa mpingo, soni kwiganya usyesyene wa m’Baibulo wakwamba yayikusatendekwa patuwile. Alinganye jika yakuti akaŵecete mwakuya yisyasyo yineyi.
CIPANJE CAKUTIMANIKWA M’MALOŴE GA MLUNGU
“Mumkulupilileje Yehofa ni Mtima Wenu Wosope”
Miyambo 3 jikusatusalila kuti Yehofa cacajaliwa wosope wakusamkulupilila jwalakwe. Ana mpaka amanyilile catuli kuti akusamkulupilila Yehofa ni mtima wawo wosope?
CIPANJE CAKUSIMANIKWA M’MALOŴE GA MLUNGU
“Akakunda Kuti Mtima Wawo Usepucile Kwine”
Miyambo mtwe 7 ukusasala muŵatendele mnyamata jwine kuti mpaka ayice pakutenda cakusakala ligongo lyakunda kuti mtima usepucile ni kuleka songa syakamucisya sya Yehofa. Ana tukulijiganya cici ku yaŵalemwisyeyi?
CIPANJE CAKUSIMANIKWA M’MALOŴE GA MLUNGU
Lunda Luli Lwambone Kupunda Golide
Miyambo mtwe 16 ukusasala kuti kupata lunda kuli kwambone kupunda golide. Ligongo cici lunda lwa Mlungu luli lwakusosekwa?
UMI WETU WACIKLISTU
Yampaka Tutende Kuti Tupeleceje Ndemanga Syakulimbikasya
Ndemanga syambone sikusalimbikasya jwapelecejo soni mpingo. Ana ndemanga jambone jikusaŵa jatuli?
CIPANJE CAKUSIMANIKWA M’MALOŴE GA MLUNGU
Alinjejelinjeje Kuŵa Pamtendele ni Ŵane
Mkamulano wawuli sikati ja ŵandu ŵa Yehofa Mlungu nganiwugamba kupagwa mwangosi. Mpaka tukamulicisye masengo Maloŵe ga Mlungu kumasya ungapikangana.
CIPANJE CAKUSIMANIKWA M’MALOŴE GA MLUNGU
“Amjiganyeje Mwanace M’litala Lyakuŵajilwa”
Ligongo cici camuko cili cakusosekwa pakwiganya ŵanace m’litala lyakuŵajilwa? Miyambo 22 jikusasala ya matala gakamucisya acinangolo kwiganya cenene ŵanace ŵawo.
UMI WETU WACIKLISTU
Ana Akukamulicisya Masengo Kadi ja JW.ORG?
Akamulicisye masengo makadiga kuti ŵasalileje ŵandu ya Maloŵe ga Mlungu soni ya webusaiti jetu.
