Numbers 29:1-40
29 “‘And for the seventh month, for the first day of the month, make una do holy convention. Make una no do any serious work. That day na the day wey una go blow the trumpet.
2 The offering wey una go give as offering wey them de burn to bring better smell* to Jehovah na one young bull, one ram, and seven small male sheep wey each of them dey one year, all of them go dey well for body,
3 and their grain offering of better flour wey them mix with oil, three tenth of one e′phah measure for the bull, two tenth measures for the ram,
4 and one tenth measure for each of the small male sheep from the seven small male sheep,
5 and one young male goat as sin offering to do sacrifice for una to get forgiveness.
6 This one add to the offering wey them de burn every month and im grain offering and the offering wey them de burn everytime and im grain offering, together with their drink offerings, according to the normal way wey them de do them, as something wey get better smell,* offering wey them make with fire to Jehovah.
7 “‘And for the tenth day of this seventh month, make una do holy convention, and una must show una pain.* Make una no do any work.
8 And the offering wey una go bring to Jehovah as offering wey them de burn, as something wey get better smell* na one young bull, one ram, and seven small male sheep wey each of them dey one year, all of them go dey well for body.
9 And as their grain offering of better flour wey them mix with oil, una go give three tenth measures for the bull, two tenth measures for one ram,
10 one tenth measure for each of the small male sheep from the seven small male sheep,
11 plus one young goat as sin offering, apart from the sin offering wey them de make to get forgiveness and the offering wey them de burn everytime and im grain offering, together with their drink offerings.
12 “‘And for the 15th day of the seventh month, make una do holy convention. Make una no do any serious work, and una must celebrate festival to Jehovah seven days.
13 And the offering wey una go give as offering wey them de burn, offering wey them make with fire as something wey get better smell* to Jehovah, na 13 young bulls, 2 rams, and 14 small male sheep wey each of them dey one year, all of them go dey well for body.
14 And as their grain offering of better flour wey them mix with oil, make una give three tenth measures for each of the bull from the 13 bulls, two tenth measures for each of the ram from the 2 rams,
15 and one tenth measure for each small male sheep from the 14 small male sheep,
16 plus one young goat as sin offering, apart from the offering wey them de burn everytime, im grain offering, and im drink offering.
17 “‘And for the second day, 12 young bulls, 2 rams, and 14 small male sheep wey each of them dey one year, all of them go dey well for body,
18 and their grain offering and their drink offerings for the bulls, the rams, and the small-small male sheep, according to their number, just as them de normally do,
19 plus one young goat as sin offering, apart from the offering wey them de burn everytime and im grain offering, together with their drink offerings.
20 “‘And for the third day, 11 bulls, 2 rams, and 14 small male sheep wey each of them dey one year, all of them go dey well for body,
21 and their grain offering and their drink offerings for the bulls, the rams, and the small-small male sheep, according to their number, just as them de normally do,
22 plus one goat as sin offering, apart from the offering wey them de burn everytime and im grain offering and im drink offering.
23 “‘And for the fourth day, 10 bulls, 2 rams, and 14 small male sheep wey each of them dey one year, all of them go dey well for body,
24 their grain offering and their drink offerings for the bulls, the rams, and the small-small male sheep, according to their number, just as them de normally do,
25 plus one young goat as sin offering, apart from the offering wey them de burn everytime, im grain offering, and im drink offering.
26 “‘And for the fifth day, 9 bulls, 2 rams, and 14 small male sheep wey each of them dey one year, all of them go dey well for body,
27 and their grain offering and their drink offerings for the bulls, the rams, and the small-small male sheep, according to their number, just as them de normally do,
28 plus one goat as sin offering, apart from the offering wey them de burn everytime and im grain offering and im drink offering.
29 “‘And for the sixth day, 8 bulls, 2 rams, and 14 small male sheep wey each of them dey one year, all of them go dey well for body,
30 and their grain offering and their drink offerings for the bulls, the rams, and the small-small male sheep, according to their number, just as them de normally do,
31 plus one goat as sin offering, apart from the offering wey them de burn everytime, im grain offering, and im drink offerings.
32 “‘And for the seventh day, 7 bulls, 2 rams, and 14 small male sheep wey each of them dey one year, all of them go dey well for body,
33 and their grain offering and their drink offerings for the bulls, the rams, and the small-small male sheep, according to their number, just as them de normally do them,
34 plus one goat as sin offering, apart from the offering wey them de burn everytime, im grain offering, and im drink offering.
35 “‘For the eighth day, una go do holy occasion. Make una no do any serious work.
36 The offering wey una go bring as offering wey them de burn, offering wey them make with fire as something wey get better smell* to Jehovah na one bull, one ram, and seven small male sheep wey each of them dey one year, all of them go dey well for body,
37 and their grain offering and their drink offerings for the bull, the ram, and the small-small male sheep, according to their number, just as them de normally do,
38 plus one goat as sin offering, apart from the offering wey them de burn everytime and im grain offering and im drink offering.
39 “‘Na this things una go give Jehovah for the festivals wey una de do for different-different seasons, plus una vow offerings, and offerings wey una heart move una to give as una offerings wey them de burn, and una grain offerings, and una drink offerings, and una peace sacrifice them.’”
40 Moses tell Israel people everything wey Jehovah don command-am.
Footnotes
^ Or “better smell wey de cool heart.”
^ Or “better smell wey de cool heart.”
^ For Hebrew na, “suffer unaself.” For person to “suffer imself” them understand-am to mean different-different ways wey person fit de deny imself of some things, like when person de fast.
^ Or “better smell wey de cool heart.”
^ Or “better smell wey de cool heart.”
^ Or “better smell wey de cool heart.”
