Mark 16:1-8
-
God bring Jesus back to life (1-8)
16 So when them don do the Sabbath finish, Mary Mag′da·lene, Mary the mama of James, and Sa·lo′me buy things wey get better scent so that them go come use-am rub Jesus body.
2 And for early morning for the first day of the week, when sun don come out, them come the grave.*
3 Them be de ask each other say: “Who go roll the stone comot from the mouth of the grave for us?”
4 But when them look up, them see say them don already roll the stone comot even though say e big well-well.
5 When them enter inside the grave, them see one young man wey sitdown for the right side, e wear white long cloth and them surprise no be small.
6 E tell them say: “Make una no surprise. Una de find Jesus wey come from Naz·a·reth, wey them kill for pole. God don bring-am back to life. E no dey here. See, na here be the place wey them be put im body.
7 But make una go tell im disciples and Peter say, ‘E de first una go Gal′i·lee. Una go see-am for there, just as e be tell una.’”
8 So when them come out, them run comot from the grave, de shake and de really surprise. And them no talk to anybody because fear catch them.*
