Isaiah 2:1-22
2 This one na wetin Isaiah the son of Aʹmoz see about Judah and Jerusalem:
2 For the last part of the days,*The mountain of the house of JehovahGo really stand well for place wey high pass the top of the mountains,And them go raise-am high pass the hills,And all the nations go de gather go there.
3 And plenty people go go, and them go talk say:
“Come, make we go up to the mountain of Jehovah,To the house of the God of Jacob.
E go teach us about im ways,And we go waka for im roads.”
Because law* go come out from Zion,And the word of Jehovah go come out from Jerusalem.
4 E go judge* the nationsAnd e go make matters straight* for many people.
Them go nack their swords and turn them to digging toolsAnd turn their spears to trimming knives.
Nation no go carry sword to fight against another nation,And them no go learn how to fight war again.
5 O house of Jacob, make una come,Make we waka for the light wey Jehovah de show.
6 And you don leave your people, the house of Jacob,Because things from the East full inside them;Them de do magic like Phi·lisʹti·a people,And children of strangers full inside them.
7 Silver and gold full their land,And their better-better things wey get value no de finish.
Horses full their land,And their chariots really plenty.
8 Useless gods full their land.
Them de bow down to wetin them use their own hands make,To wetin them use their own fingers make.
9 So man de bow down, e de bring imself low,And you no fit forgive them.
10 Enter inside the rock and hide yourself inside dustBecause of the fear wey de come when Jehovah appearAnd im glory wey dey great.
11 God go bring down person* wey de feel say e better pass other people,And people wey dey stubborn go bow down.*
Na only Jehovah, people go praise that day.
12 Because na Jehovah of armies get that day.
The day de come against anybody wey de think say e better pass other people and wey de raise imself high,Ontop everybody, whether e dey high or e dey low,
13 Against all the cedar trees for Lebʹa·non wey high go upAgainst all the oak trees for Baʹshan,
14 Against all the big-big mountainsAnd against all the hills wey high,
15 Against all the high tower and all the strong wall,
16 Against all the ships of TarʹshishAnd against all the fine-fine boats.
17 God go bring down person wey de feel say e better pass other people,And people wey dey stubborn go bow down.*
Na only Jehovah, people go praise that day.
18 Useless gods go disappear kpatakpata.
19 And people go enter inside the caves wey dey the rocksAnd inside the holes wey dey for the ground,Because of the fear wey de come when Jehovah appearAnd im glory wey dey great,When e stand up to make the earth shake with fear.
20 For that day, people go take their useless gods wey them make with silver and goldWey them don make for theirself to de bow down to,And throw them for place wey rats* and bats dey,
21 So that them go enter inside the holes wey dey the rocksAnd inside the places wey open for the rocks,Because of the fear wey de come when Jehovah appearAnd im glory wey dey great,When e stand up to make the earth shake with fear.
22 For una own good, make una stop to trust ordinary man,Wey just be like the air wey e de breathe for im nose.*
Why una go even de think about-am?
Footnotes
^ Or “For the last days.”
^ Or “Because im direction.”
^ Or “give judgment to.”
^ Or “e go correct matters.”
^ For Hebrew na, “the eyes.”
^ Or “go bring body down by force.”
^ Or “go bring body down by force.”
^ Or “shrewmice.” This one na, small-small animals wey de chop plenty food.
^ Or “Wey im life na the air wey e de breathe for im nose.”
