LESSION 6
Cossa che sucede quando morimo?
1. Quale che le ze le bone notìssie sora i morti?
Làsaro e le so sorele, Marta e Maria, i era de star darente de Gerusalen. Quando Gesù l’è rivà, fea belche quatro giorni che el so amigo Làsaro l’era morto. Gesù l’è ndà al tùmolo insieme a Marta e Maria. Suito se ga riunio tante persone. Gesù el ga ressussità Làsaro. Imagina la felicità de Marta e Maria quando le ga visto so fradel vivo nantra volta! — Ledi João 11:21-24, 38-44.
Marta belche la savea quala che la era la bona notìssia de Dio sora i morti. Geovà ndarà ressussitar i morti par viver nantra volta qua ntela Tera. — Ledi Jó 14:14, 15.
2. Cossa che sucede quando morimo?
Dio el ga dito a Adon: “Te sì polver e ala polver te ritornarè.” — GÊNESIS 3:19.
Quando morimo, no ghen’è una parte de noantri che la continua a viver. Geovà el ga fato noantri dela polver. Semo fati de carne e sàngue. (Gênesis 2:7; 3:19) Quando el nostro sarvel el more, i nostri pensamenti e sentimenti i se finisse. Par quela, Làsaro no’l gavea gnente par dir sora la morte quando lu l’è tornà a viver. — Ledi Eclesiastes 9:5, 6, 10.
Sarà che Dio el brusa le persone nte un inferno de fogo? Nò, questa la ze una busia! La Bìblia la dise che i morti no i sente gnente gnanca i pensa. El inferno de fogo l’è un insegnamento falso che el fà creder che Dio l’è crudel. Lu mai el brusaria qualchedun ntel fogo. Dio el òdia questa idea. — Ledi Jeremias 7:31.
Varda el vídeo Cossa che sucede quando morimo?
3. Sarà che i morti i pol parlar con noantri?
I morti no i pol parlar gnanca scoltar. (Salmo 115:17) Ma arquanti àngeli perversi i fà finta de esser persone morte par parlar cole persone vive. (2 Pedro 2:4) Geovà el ga dito che no gavemo de proar parlar coi morti. — Ledi Deuteronômio 18:10, 11.
4. Chi che sarà ressussità?
Milioni de morti i sarà ressussitadi par viver qua ntela Tera. Anca arquanti che no i ga imparà sora Dio e che i ga fato cose rugne, i sarà ressussitadi. — Ledi Lucas 23:43; Atos 24:15.
I ressussitadi i ndarà imparar la verità sora Dio. Alora i podarà mostrar la so fede cola so obediensa a Gesù. (Apocalipse 20:11-13) Se i ghe obedisse, i viverà par sempre qua ntela Tera. — Ledi João 5:28, 29.
5. Cossa che la ressuression la insegna sora Geovà?
I morti i pol tornar a viver parché Geovà el ga mandà el so Fiol par morir par noantri. Cossita, la ressuression la ne insegna che Geovà l’è tanto bon e amoroso. Quando i morti i sarà ressussitadi, chi che ti te piaseria de veder? — Ledi João 3:16; Romanos 6:23.
