Худонинг Шоҳлиги нималарни амалга оширади?
Муқаддас Китоб асосида жавоб
Худонинг Шоҳлиги барча инсоний ҳукуматларнинг ўрнини эгаллайди ва бутун ер юзи устидан бошқаради. (Дониёр 2:44; Ваҳий 16:14) Бу пайт келганида Худонинг Шоҳлиги...
Барчамизга зиён келтираётган ёвуз ва худбин одамларни йўқ қилади. «Ёвузлар... ер юзидан қириб ташланади». (Ҳикматлар 2:22)
Ҳамма жангларга чек қўяди. «[Худо] ер юзи бўйлаб жангларга барҳам беради» (Забур 46:9)
Ер юзига фаровонлик ва хавфсизлик келтиради. «Уларнинг ҳар бири ўзининг токи ва анжир дарахти тагида ўтиради. Уларни ҳеч ким даҳшатга солмайди». (Михо 4:4)
Ерни жаннатга айлантиради. «Саҳро ва қақраган ер қувонади, дашт-биёбон шодланиб, заъфарон каби гуллайди». (Ишаё 35:1)
Ҳар бир инсонни мазмунли ва қизиқарли иш билан таъминлайди. Аллоҳ шундай демоқда: «Танлаганларим ўз қўллари меҳнатининг роҳатини кўради. Улар беҳудага меҳнат қилмайди». (Ишаё 65:21–23)
Касалликларни бартараф этади. «Ҳеч ким: “Мен касалман”,— демайди». (Ишаё 33:24)
Бизни қариликдан озод қилади. «Унинг танаси болалигидан ҳам ёшроқ бўлсин, ёшлик чоғидаги қуввати яна ўзига қайтсин». (Аюб 33:25)
Ўлганларни ҳаётга қайтаради. «Мозорларда бўлган ҳамма унинг [Исонинг] овозини эшитиб чиқади». (Юҳанно 5:28, 29)