Job 39:1-30
39 “Wọ riẹn ọke rẹ ẹvwe rẹ ugbenu vwo vwiẹ?
Wọ mrẹ orhua ọke ro de vwiẹ ọmọ rọyen jovwo re?
2 Wo kere uche emeranvwe rẹ evun rayen te?
Wọ riẹn ọke rẹ ayen vwo vwiẹ?
3 Ayen rhuẹn totọ ọke rẹ ayen de vwiẹ emọ rayen,Ọmiaovwẹ rẹ uvwiẹ rayen mi vwo ba.
4 Emọ rayen gan je rhuaphiyọ vwẹ aghwa;Ayen yanran, ayen rhivwẹn chaa.
5 Ono yen siobọnẹ ekẹkẹtẹ rẹ aghwa na,Ono yen je rhan ifi rẹ ekẹkẹtẹ rẹ aghwa na?
6 Me vwẹ aton na vwo ru uwevwin rọyenJe vwẹ otọ rẹ ughwanka na vwo ru asan rọ dia.
7 Ọ kẹnoma kẹ edo rẹ orere na;O nyo ukperi rẹ ohwo ro suẹn eranvwee.
8 Ọ yancha yankpo vwẹ igbenu itete na rọ vwọ guọnọ odin rọ cha re,Rọ vwọ guọnọ kodin kodin.
9 Erhuẹn rẹ aghwa na muegbe rọ vwọ ga wẹ?
Ọ cha dia asan rẹ eranvwe wẹn dia hrọke?
10 Wọ cha vwẹ ufi vwọ gba erhuẹn rẹ aghwa kpo uvwre rẹ ekpẹn re voro koko,Yẹrẹ o che nene uwe re voro iyara na?
11 Wọ cha vwẹroso ẹgba rode rọyenRere wọ nẹrhẹ o ruiruo ọgangan wẹn?
12 Wọ sa vwẹrosuọ nẹ o che mu orhọ* wẹn rhivwin bru we rhe,Nẹ o ji che koko kpo asan ru wo de wonro ibi ekankọn?
13 Ibekpe rẹ ogomugoro teyan vẹ aghọghọ,Ẹkẹvuọvo a sa vwẹ ibekpe vẹ iphoro rọyen vwo dje e rẹ istọku?
14 Kidie ọ yanjẹ ikẹn rọyen vwo vwẹ otọ,Ọ nẹrhẹ ayen rhorha vwevunrẹ ekpẹn.
15 Ọ chọrerọ ẹro nẹ awọ evo sa guọghọ ayenYẹrẹ nẹ eranvwe rẹ aghwa se chiyin ayen muotọ.
16 Ọ vwẹ oja vwọ ria emọ rọyen kerẹsiẹ ra da mrẹ nẹ e dia erọyeen;Oshọ muo nẹ owian rọyen sa dia ofefee.
17 Kidie Ọghẹnẹ kẹ rẹ aghwanree*Ọ je kẹ ẹruọ vuọvoo.
18 Ẹkẹvuọvo ọke ro de vrẹn je teyen ibekpe rọyen,Kọ reyọ iyesi na kugbe ohwo rọ gua vwọ jehwẹ.
19 Wẹwẹ yen ohwo rọ vwẹ ẹgba kẹ iyesi na?
Wọ ghwẹ ẹton phiyọ ohọre rọyen?
20 Wọ sa nẹrhẹ o pho kerẹ igurube?
Edo ọgangan rọyen djẹ uguegue muẹ ohwo.
21 O chiyẹn otọ vwẹ iyara na ji pho vẹ ogangan;Ọ họrhọ rua ofovwin.*
22 Ọ vwẹ oshọ vwọ jehwẹ, ọ je djoshọ rẹ emu vuọvoo.
Ọ rhẹrioma fikirẹ ọlọkọọ.
23 Ekpu rẹ edada na teyọn,Oshuẹ vẹ javilin na nyavwaro.
24 Ọ pharha vẹ omavwerhovwẹn, ọ djẹ kpo obaro,*O che se mudia asan ọvo ọke ro de nyo edo rẹ ọgbaan.
25 E de hworo ọgban na, ọ me tanẹ, ‘Ẹhẹn!’
O nyo ọnrhe rẹ ofovwin na vwẹ awusheriO ji nyo ukperi rẹ inotu rẹ ofovwin kugbe edo rẹ ofovwin.
26 Womarẹ ẹruọ wẹn yen ọso na vwọ rhan,Je riẹn ibekpe rọyen kpo obọrhen ọnre na?
27 Yẹrẹ wẹwẹ yen vwẹ iji kẹ ugo na nẹ ọ rhan kpenuJe bọn ẹho rọyen phiyọ asan ro kpenu,
28 Nẹ ọ vwerhẹn enu rẹ ugbenu kọkirhie,Je dia asan ro fuoma vwẹ oragha?*
29 Etiyin yen ọ da guọnọ emuọre;Ibiẹro rọyen nẹ kpo obaro shesheri.
30 Emọ rọyen se ọbara;Kasan kasan rẹ ihwo re hweri hepha, etiyin ọ dia.”
