A ARA MAI NA! N^o 2 2020 | 5 uiraa no nia i te mauiui: Te pahonoraa

FAAROO NA ROTO TE REO

Ia tae i te hoê mahana, e farerei pauroa tatou i te fifi mai te maˈi anei, te ati, te vero aore ra te hamani-ino-raa.

E hinaaro te taata e ite no te aha teie mau mea e tupu ai.

Te parau ra vetahi, ê na te faataaraahia te ohipa e tupu i roto i to ratou oraraa e eita e nehenehe e ape i te reira.
Te tiaturi ra te tahi atu e roohia te hoê taata i te fifi no te mea e ohipa ino ta ˈna i rave na mua ˈˈe.

Pinepine ia topa te taata i roto i te fifi, mea rahi te uiraa e hiti mai i roto i to ratou feruriraa.

Eaha ta vetahi e tiaturi?

A hiˈo i te tiaturiraa a te mau haapaoraa no nia i te tumu o te mau mauiui.

Ua inoino te taata i te Atua no tei haapiihia ia ratou. Eaha râ te parau mau no nia i te Atua?

Mai te peu e pahono tatou “E” i tera uiraa, te auraa e nehenehe tatou e imi i te ravea ia iti mai to tatou mauiui.

E tauturu te Bibilia ia ite i te pahonoraa.

Inaha ua hamani te Atua i te fenua ma te nehenehe mau, ua opua anei ïa o ˈna ia mauiui tatou? Mai te peu e pahono tatou aita, eaha ïa tei tupu?

Te haapapu ra te Bibilia e nafea te Atua e faaore ai i te mauiui.

Noa ˈtu e au ra eita to tatou mau fifi e afaro, te vai ra te hoê aratairaa papu o te tauturu ia oe.