TUHAA 1

Mai te mahana o te mau upoo utuafare tae atu i te tau o te mau tavana

E hiˈopoahia i roto i teie tuhaa te mau hiˈoraa no nia i te faaroo e te itoito, mai ia Enoha e tae roa mai i te tau o te peropheta Samuela.

Tuhaa 1 Reni tuatapaparaa tau

Te faaite ra te tapura o te tau i te mau taata i tahito ra e te mau tupuraa faufaa o te Bibilia.

1 ENOHA

Ua haere o ˈna e te Atua

Ua faataa ê Enoha i te taata o to ˈna tau na roto e piti ohipa. Mea nafea te reira i te tupuraa? Eaha ta ˈna e haapii mai no nia i te itoito?

2 NOA

Ua faahapa oia i te ao

E nafea to tatou tau i tuati ai i te mau mahana o Noa? A hiˈo e nafea oe ia pee i te itoito o Noa i roto i to oe oraraa.

3 SARA

Aita roa ˈtu oia i hiˈo i muri

Mea nafea Sara i te faaiteraa i te faaroo e te itoito?

4 ABERAHAMA

Te taata matamua tei aro no te tamaˈi a Iehova

Eaha ta tatou e haapii mai i te hiˈoraa o Aberahama tei ineine i te faaora i te tamaiti a to ˈna tuaana? Mea nafea Iehova i te pahonoraa i te itoito e te faaroo ta ˈna i faaite?

5 ABERAHAMA

Noa ˈtu mea fifi ua auraro râ o ˈna i te Atua

E nafea tatou e pee ai i te itoito o Aberahama no te auraro i te Atua? Eaha ta teie aamu e haapii mai no nia i to Iehova here?

6 REBEKA

Ua ineine o ˈna i te vaiiho i to ˈna utuafare

E vahine itoito e te hoê faaroo faahiahia o Rebeka. Eaha ta tatou e haapii mai i to ˈna hiˈoraa?

7 IAKOBA

Ma te itoito ua paruru oia i to ˈna utuafare

E nafea te hiˈoraa o Iakoba e haapapu ai ia oe mea hau aˈe ia aro no te fanaˈo i te haamaitairaa a Iehova?

8 IOSEPHA

Ua patoi oia i te tamataraa

A hiˈo e nafea te hiˈoraa o Iosepha e tauturu ai ia oe ia patoi i te mau tamataraa e ia faaoromai tamau i te mau fifi.

9 SIPHERA, PUA, AMERAMA, IOKEBEDA, MIRIAMA

“No te faaroo i hunahia ˈi Mose”

Ua faaite na vahine faafanau, te metua o Mose e to ˈna tuahine i te faaroo e te itoito taa ê. Nafea tatou e nehenehe atoa ˈi e na reira?

10 MOSE

Ua rave oia i ta ˈna faaotiraa

Eaha te faaotiraa ta Mose i rave e no te aha? Eaha ta oe e haapii mai i to ˈna hiˈoraa?

11 MOSE

“A tomo i ǒ Pharao”

E nafea te tupuraa o Mose e tauturu ai ia tatou ia tiaturi e tauturu mai Iehova ia manaˈo tatou aita e maraa ia amo i te hoê hopoia no ǒ mai ia ˈna?

12 KALEBA

Ua vai taiva ore oia i to ˈna Atua

A hiˈo nafea te hiˈoraa o Kaleba e tauturu mai ai ia ‘ore roa e pee i te nahoa.’

13 IOSUA

Ua pee maite oia i te mau aratairaa maere mau

Eaha te mau aratairaa maere mau ta Iehova i horoa ia Iosua? I roto i teihea mau tupuraa e nehenehe ai tatou e pee i te hiˈoraa o Iosua?

14 RAHABA

Ua maiti oia ia Iehova i to ˈna iho nunaa

Eaha ta tatou e haapii mai i ta Rahaba i rave? Mea nafea o ˈna i te haamaitairaahia?

15 NAOMI E RUTA

Ua faaruru raua i te fifi

Mea nafea Naomi e Ruta i te faaiteraa i te itoito? E eaha te mau haapiiraa ta tatou e huti mai i to raua hiˈoraa?

16 BARAKA E DEBORA

“E haere au na muri ia oe”

Ua onoono Baraka ia haere mai Debora na muri ia ˈna i te vahi aroraa. Te auraa anei mea paruparu aore ra mea puai to ˈna faaroo?

17 IAELA

“Te hoê vahine haamaitai-rahi-hia”

Tae roa i teie mahana ua matau tatou i te itoito o Iaela i te enemi o Iehova. No te aha ïa tatou e pee ai i to ˈna itoito i teie mahana hau atu i te tahi?

18 GIDEONA

Te itoito e te haapao maitai

I roto i teihea mau tupuraa e titauhia ˈi ia tatou te itoito e te haapao maitai?

19 IEPHETA E TA ˈNA TAMAHINE

Ua tupu ta raua i euhe

I teie mahana e nafea tatou e faufaahia ˈi i te hiˈoraa o Iepheta e ta ˈna tamahine?

20 SAMASONA

Ua noaa ia ˈna te itoito i te taime paruparu

Eaha ta tatou e haapii mai ia Samasona i muri mai i te hape ta ˈna i rave?

21 SAMUELA

Ua faaite te hoê tamaiti i ta Iehova poroi

I teihea taime e hinaaro ai te feia apî i te itoito no te paturu i te mea maitai?

TUHAA 2

Mai te mau arii tae atu i te patu-faahou-raa ia Ierusalema

Te faataa ra teie tuhaa i te mau hiˈoraa no nia i te faaroo e te itoito ma te haamata na nia ia Ionatana, te tamaiti a te arii Saula, i muri iho ma te aparau no nia i te arii Davida e ma te faaoti e te nunaa o te Atua tei hoˈi atu, mai to ratou hopoi-ê-raa i Babulonia e patu-faahou-raa ia Ierusalema.

Tuhaa 2 Reni tuatapaparaa tau

Te faaite ra te tapura o te tau i te mau taata i tahito ra e te mau tupuraa faufaa o te Bibilia mai te mau arii tae atu i te patu-faahou-raa ia Ierusalema.

22 IONATANA

Ua hinaaro oia i te itoito no te faaite i te taiva ore

Ua haafifihia te taiva ore o Ionatana. Mea nafea oia i te iteraa ia vai e faaite i te taiva ore? E nafea tatou e pee ai i to ˈna hiˈoraa?

23 DAVIDA

Ua aro oia i te hoê aito

Ua matauhia Davida ei taata tamaˈi itoito e te puai. Mea nafea to ˈna hiˈoraa i te faaitoitoraa ia vetahi? Eaha ta to oe itoito e nehenehe e faatupu i nia i te tahi atu?

24 ABIGAILA

Ua tamǎrû oia i te hoê tupuraa atâta

Eaha ta te mau vahine e ta te mau tane faaipoipo e haapii mai i te aamu o Abigaila?

25 DAVIDA

Ua faaite Davida i te itoito no te rave i te mea tano

Ua nehenehe Davida e tahoo. Na te aha i tapea ia ˈna? E nafea tatou e pee ai i to ˈna hiˈoraa?

26 NATANA

Ua aˈohia te arii

Eaha ta te hiˈoraa o Natana e haapii mai ia tauturu tatou i te hoê hoa o te rave i te hape ino mau?

27 MEPHIBOSETA

Aita oia i riri i te ohipa tano ore ta ˈna i faaruru

Eaha te mau haapiiraa tamahanahana mau ta tatou e huti mai i te hiˈoraa o Mephiboseta?

28 ASA

Ua tavini oia ia Iehova “i te roaraa o to ˈna oraraa”

Eaha te mau haapiiraa ta tatou e huti mai i te hoê taata e aau taatoa to ˈna ia Iehova?

29 ELIA

“O Iehova to ˈu Atua”

Eaha tei tauturu ia Elia ia faaruru i to ˈna mǎtaˈu?

30 TE VAHINE IVI NO ZAREPHATE

Ua faaite oia i te faaroo ia Iehova i te tau fifi roa

Nafea to ˈna aamu e faaitoito ai ia tatou ia tiaturi ia Iehova?

31 TE TAMAHINE ITI ISERAELA

Te hoê tamahine itoito tei paraparau no nia i to ˈna Atua

E nehenehe te hiˈoraa o teie tamahine iti e faaitoito ia oe ia poro, ia mǎtaˈu atoa oe.

32 ELISAIA

“E Iehova, a faaaraara na i to ˈna mata”

E nafea tatou e ite ai aita te mau melahi i atea roa ia tatou no te horoa mai i te itoito?

33 IEHOIADA

Ua paruru oia te arii ta Iehova i maiti

Eaha te ohipa itoito ta Iehoiada i rave? I roto i teihea tuhaa e nehenehe ai oe e pee i to ˈna itoito i roto i to oe oraraa?

34 HEZEKIA

“Ua ati maite oia ia Iehova”

Ua faaite Hezekia i te itoito rahi e te faaroo. E nafea tatou e pee ai i to ˈna hiˈoraa i teie mahana?

35 MANASE

Te itoito no te tatarahapa

No te aha e nehenehe ai e parau e hiˈoraa maitai o Manase no nia i te itoito?

36 IOSIA

Tautururaa oia i te nunaa ia haamori faahou ia Iehova

Noa ˈtu e ere i te mea ohie te oraraa o Iosia i to ˈna tamariiraa, ua faaite noa o ˈna i te itoito no te turu i te haamoriraa mau. E nafea tatou e pee ai i to ˈna hiˈoraa?

37 DANIELA

“Eiaha e haaviivii ia ˈna”

E nafea te feia apî e pee ai i te itoito e te taiva ore o Daniela? E nafea tatou e faufaahia ˈi i to ˈna hiˈoraa?

38 NA TORU HEBERA

Ua ora mai ratou mai te umu auahi

Mea itoito na Hebera e toru, i mua atoa i te pohe. Eaha ta to ratou hiˈoraa e haapii mai no nia i te haehaa, te mǎrû e te taiva ore?

39 ESETERA

“Ia pohe noa ˈtu vau, e pohe au”

E feruriraa paari to Esetera. Ua nehenehe oia e tamǎrû i te aau o ta ˈna tane e ere i te tavini a Iehova. Eaha ta tatou e haapii mai i to ˈna hiˈoraa?

40 NEHEMIA

Ua patu faahou oia i te aua

Eaha ta te hiˈoraa o Nehemia e haapii mai ia tatou no nia i te tavini hau atu â ia Iehova? E nafea te mau matahiapo e pee ai i to ˈna hiˈoraa?

TUHAA 3

I te tau o te Mesia e ta ˈna mau pǐpǐ

E faaite teie tuhaa i te mau hiˈoraa o te faaroo e te itoito i te senekele matamua, mai ia Maria te hoê ati Iuda aita i taoto aˈenei i te hoê tane e te aposetolo Ioane.

Tuhaa 3 Reni tuatapaparaa tau

Te faaite ra te tapura o te tau i te mau taata i tahito ra i roto i tuhaa 3. Te vai atoa ra te mau tupuraa faufaa mai te tau o te Mesia tae roa ˈtu i te mau mahana hopea o te aposetolo Ioane.

41 ZEKARIA E ELIZABETA

“E taata parau-tia raua i te aro o te Atua”

No te aha e taata parau-tia Zekaria e Elisabeta no Iehova? E nafea tatou e na reira atoa ˈi i roto i to tatou oraraa?

42 MARIA

Ua farii oia i te hopoia taa ê

Ua amo Maria i te hopoia rahi. Mea nafea o ˈna i te raveraa i te reira ma te itoito tae roa i te hopea?

43 IOSEPHA

Ua aupuru oia i to ˈna utuafare

No te aha e hiˈoraa maitai Iosepha no te mau metua tane Kerisetiano i teie mahana?

44 IOANE BAPETIZO

Ua faaineine oia i te eˈa o te Mesia

E taata itoito o Ioane tei ora i te hoê oraraa haihai. A hiˈo eaha ta tatou e haapii no nia ia ˈna.

45 PETERO

‘E taata hara vau’

Eaha te haapii mai i to Petero hiˈoraa no nia i te tavini-noa-raa ia Iehova, noa ˈtu to tatou mau paruparu?

46 MARIA MAGADALA

“Ua ite au i te Fatu!”

Ua faaohipa Maria i to ˈna taime no te tauturu ia Iesu e ta ˈna mau pǐpǐ. E nafea tatou e faaite ai i te aumihi e te itoito mai ta ˈna i rave?

47 MARIA, TUAHINE O LAZARO

“Ua rave oia i tei tia ia ˈna”

Ua haafaufaa Iesu ia Maria te tuahine o Lazaro no to ˈna faaroo e itoito. Mea nafea o ˈna i te faaiteraa i te itoito? E nafea tatou e pee ai ia ˈna i teie mahana?

48 SETEPHANO

“Tei î i te faaroo e te varua moˈa”

Tei mua Setephano i te tiripuna no to ˈna ora. Mea nafea o ˈna i te patururaa i to ˈna faaroo? E nafea to ˈna hiˈoraa e tauturu mai ai ia vai taiva ore noa?

49 PETERO

Ua rahi mai to ˈna itoito e ua faaitoito i to ˈna mau taeae

E nafea te hiˈoraa o Petero e tauturu mai ai no te turui i nia ia Iehova e ia ore ia mǎtaˈu?

50 SAULO NO TARESO

Ua taui roa oia i to ˈna oraraa

Eaha tei turai i teie taata hamani ino o te mau Kerisetiano ia taui i to ˈna oraraa? Eaha te mau haapiiraa ta tatou e haapii mai i to ˈna hiˈoraa?

51 BARANABA

“Tamaiti o te tamahanahanaraa”

Ma te itoito ua haere mai Baranaba e tauturu ia Saulo e ua aratai ia ˈna i te mau aposetolo. E nafea tatou e pee ai i to ˈna itoito e ineineraa i te tavini i te tahi atu?

52 MAREKO

‘E tauturu rahi oia no ˈu’

Noa ˈtu te mau fifi ta ˈna i faaruru, ua tamau Mareko i te faaitoito i roto i ta ˈna taviniraa e ua tauturu oia i to ˈna mau taeae Kerisetiano. Eaha te haapiiraa ta tatou e haapii mai no nia ia ˈna?

53 PAULO

‘Teie nei, te parau atu nei au ia outou ia faaitoito’

Mea nafea te aposetolo Paulo i te faaiteraa i te itoito i te hoê tupuraa e au ra e aita e ravea? Mea nafea to ˈna itoito i te tautururaa i te tahi atu?

54 TE APOSETOLO IOANE

Te itoito i te taime fifi

Aita te aposetolo Ioane i mǎtaˈu aore ra i toaruaru. E nafea tatou e pee ai i to ˈna hiˈoraa e ia tamau i te haere ma te itoito e te Atua?

FAAOTIRAA

“E nehenehe outou e itoitohia”

Ua î te Bibilia i te mau hiˈoraa o te mau tane e vahine, mea apî e mea ruhiruhia, tei tia ma te itoito no Iehova. E nehenehe to ratou aamu e turai ia tatou ia na reira.

Te paa o roto mai