Faatanoraa no te "mode accessibilité"

Search

Maiti te reo

Mau faaho'iraa ê

Eaha to roto?

Ite no Iehova

Tahiti

Himene ma te reo rau

Himene ma te reo rau

E ere i te ohipa nainai ia huri i te hoê himene na roto i te tahi atu reo. Hau roa ’tu â ïa no te huri i te hoê buka 135 himene.

Ua manuïa te mau Ite no Iehova i te na reira. E toru matahiti tei tia ia ratou no te huri i te buka himene apî taatoa, E himene ia Iehova, na roto 116 reo. Te vai atoa ra te buka himene e 55 himene na roto e 55 reo. E aita i oti, e rahi faahou atu â teie mau numera.

Huriraa e papairaa ma te mau parau pehepehe

Te huri nei te mau Ite no Iehova i te mau papai Bibilia na roto e 600 reo e te vai ra teie mau papai i nia i te Internet na roto e 400 reo. E ere râ i te mea ohie ia huri i te buka himene. No te aha? Hoê â upaupa to roto i te buka Himene ia Iehova noa ’tu e e hurihia te mau parau na roto i te reo e rave rahi.

Mea taa ê te faatanoraa i te mau parau i te hoê himene i te huriraa i te hoê vea. Ei hi‘oraa, no te huri i te vea Te Pare Tiairaa na roto i te tahi atu reo, e tutava te feia huri i te faaite ma te tano i te mau mana‘o atoa o te reo tumu. E ere hoê â huru no te upaupa.

E nafea ia huri?

Mea taa ê rii te huriraa i te mau himene no te mea e titauhia ia maiti te feia huri i te mau parau e auraa to ratou, mea au ia faaroo e mea ohie ia haamana‘o.

I roto i te hoê himene arueraa, e mea tia ia maiti i te mau parau e taa oioi ai i te taata himene te auraa e te fa o te pereota taitahi. I roto i te mau reo atoa, mea faufaa ia tano maitai te mau ta‘o i te upaupa mai te huru ra e o te mau parau iho â teie a te taata himene.

E nafea te feia huri e na reira ’i? Eita ratou e huri tia ’tu i te mau pereota o te mau himene reo Beretane o te buka Himene ia Iehova. Ua faauehia râ te mau pǔpǔ ia papai faahou i te mau parau o te himene ma te tapea i te hoê â mana‘o e i te hoê â huru aau i to te himene tumu. A faaitoito ai i te pee maite i te mana‘o Bibilia o te himene taitahi, e faaohipa te feia huri i te mau parau matauhia i roto i to ratou reo o ta te taata e taa e e haamana‘o ohie.

A tahi, e huri tia ’tu te feia huri i te himene reo Beretane. Ia oti, e ohipa te hoê Ite tei aravihi i te papai i te himene i nia i te huriraa ia riro te reira ei mea au mau ia faaroo e te maramarama. Ma te haamana‘o noa i te faufaaraa ia faaite i te mana‘o tei tu i te Bibilia, e hi‘opoa te pǔpǔ huri e te tahi atu mau taata i te ohipa a te taata papai pehe.

Ua oaoa mau te mau Ite no Iehova na te ao atoa i te fana‘o i te buka himene apî. E te tiai ru nei e rave rahi i ta ratou na roto i to ratou reo.

 

No te ite atu â

E nafea te mau papai a te Ite no Iehova e faaineinehia ’i, a hurihia ’tu ai?

Te nenei nei matou i te mau papai na roto e 750 tiahapa reo. No te aha?