I te rururaa matahiti a te Watch Tower Bible and Tract Society of Pennsylvania faatupuhia i te 6 no Atopa 2018, e piti papai apî tei matara mai. A tahi, te buka Pure Worship of Jehovah—Restored At Last! niuhia i nia i te parau tohu a Ezekiela. E te piti, te buka rairai A haamataro i te taio e te haapii atu tei piahia no te tauturu i te mau Ite no Iehova ia aravihi atu â i te taio e te haapii i te taata.

Ua matara te buka no nia i te parau tohu a Ezekiela na roto i te reo Beretane, area te buka rairai Haapii atu, na roto ïa e rave rahi reo. Te vai ra i nia i te reni jw.org e te JW Library. I te mau tau i mua nei, e matara atoa mai te buka no nia i te parau tohu a Ezekiela na roto i te tahi atu mau reo.

Ua faaite-atoa-hia i te rururaa matahiti e ua faatia te Tino aratai ia faaapîhia ta tatou mau reni natirara e ravea roro uira. Na mua roa, e tuuhia i nia i te reni jw.org te mau tuhaa no roto mai i te JW Haapurororaa e te VAIRAA PAPAI NATIRARA Watchtower. Hau atu, e tuuhia i nia i te JW Library te mau tuhaa no roto mai i te Watchtower Library e tei pia-atoa-hia i nia noa i te reni jw.org. E haamaitaihia te reni jw.org e te JW Library ia ohie atu â ia faaohipa. Ei hiˈoraa, e tauihia te faanahoraa o te mau tuhaa o na ravea e piti nei ia ite ohie noa te taata i te maa pae varua. Ua haamata ê na te opuaraa rahi no te faaapî i teie mau ravea. I roto i tau avaˈe e itehia ˈi te tahi mau tauiraa.