Tefea Te Atua?

I te po 11 o Setema, 2001 i te 8:46 i te taeao, ne ‵tui atu ei se vakalele ki te feitu ki mātū o te World Trade Center i te Fa‵kai o Niu Ioki​—ko te kamataga o aofaga a te kau amio takafia‵toa. I loto i se 102 minute, ne ‵mate atu ei a tino kāti e toko 3,000.

Tesema 26, 2004

Ne poko se mafuie telā e 9.0 tena malosi i te Kogā Tai o Initia telā ne fakamāfua aka ei a galu fakama‵taku kolā ne ‵poko atu ki fenua e 11, e aofia i ei a Afelika​—telā e 3,000 maila tena ‵mao. I loto i se aso e tasi, ne ‵mate io me ne ‵galo atu ei a tino e toko 150,000, kae e silia atu i te miliona o tino ne seai ne olotou fale.

Aokuso po 1, 2009: Ne faka‵seke se toeaina ko 42 ana tausaga mo tena tama‵liki ko 5 ana tausaga i te kiona, kae ‵tui atu lāua ki luga i se lakau. Ne mate te tamana. Ne ola malie tena tama tagata kae ne mate atu i te suā aso. Ne fai mai se kāiga loto mafatia: “Ne fakamoe‵moe eiloa matou ke tupu se vavega kae ke ola mai te tamaliki.”

Kafai e faitau koe e uiga ki osomaiga a te kau amio takafia‵toa io me ko fakalavelave ‵tupu io me ko pokotia koe i se fakalavelave faigata, e mata, e mafaufau koe me e lavea ne te Atua a mea e ‵tupu? E mata, e mafaufau koe me ko oti ne tiaki tatou ne te Atua? E tuku mai ne te Tusi Tapu se tali fakamafanafana loto, e pelā mo te mea ka lavea atu ne tatou.

[Ata i te itulau e 3]

© Dieter Telemans/Panos Pictures

PRAKASH SINGH/AFP/Getty Images

© Dieter Telemans/Panos Pictures