TE FALELEOLEO MALUGA (LŌMIGA MŌ SUKESUKEGA) Iulai 2013
“Fai Mai Aka ki a Matou, ka ‵Tupu Mafea a Mea Konei?”
Se a ‵tou mainaga ne faka‵tonu aka e uiga ki te Mataio mataupu e 24 mo te 25?
“Kiloke! Au e Fakatasi Faeloa mo Koutou i Aso Katoa”
A te tala fakatusa a Iesu e uiga ki saito mo mouku ma‵sei e fakamatala mai ei a te taimi o te ‵tokiga o fuaga, te olaakaga, mo te ‵katiga. Se a te mainaga fou o tatou e uiga ki te taimi o te ‵katiga o saito?
Te Fagaiga o Tino e Tokouke e Auala i Nāi Tino
Ne fakatoka pefea ne Iesu a meakai faka-te-agaga mō Kelisiano i te senitenali muamua? E mata, e tuku mai ei se auala ke tau‵tali i ei i aso nei?
“Ko oi la te Tavini Fakamaoni Kae Poto?”
E faka‵tonu aka i te mataupu tenei a ‵tou malamalama e uiga ki te tavini fakamaoni kae poto. Mafaufau ki te auala e fakalagolago ei ‵tou malosi faka-te-agaga ki te fakatokaga tenei.
Se Sui Fou o te Potukau Pule
I a Setema 1, 2012, ne kamata a Mark Sanderson o galue e pelā me se sui o te Potukau Pule o Molimau a Ieova.
TALA `TONU
E Loto Finafinau o Tavini ki a Ieova, i so se Koga
Faitau ki te auala ne tauloto ei se tauavaga i te Netherlands o tali‵tonu katoatoa ki a Ieova faitalia a tulaga faiga‵ta mo te mafuli‵fuli o fakanofonofoga.
“Onoono ki te Faiga o Ata!”
Ne fakaaoga a ata i ‵tou lōmiga e pelā me ne akoakoga fesoasoani e fai ei tatou ke mafau‵fau kae ke isi ne ‵tou lagonaga e uiga ki ei. E maua pefea ne koe a mea aoga mai i ata ‵gali?
