Webale kuhayo obwire bwawe kusoma akatabu kanu. Nitunihira ngu kakukonyire kwetegereza Abakaiso ba Yahwe n’omulingo batekaniziibwemu. Nitunihira ngu kakukonyire kukyetegereza ngu Abakaiso ba Yahwe nubo barukukora ebya Yahwe agonza omu kasumi kanu. Nitukutererra kweyongera kwega hali Ruhanga, kugambiraho abanyabuzale n’enganjani zaawe eby’orukwega, n’okubahoga omu nso’rokano zaitu.—Abaheburaniya 10:23-25.

Noija kweyongera kurora engonzi Yahwe akwiniire obw’orayeyongera kumwegaho, ekintu ekirakuletera kukora ebya Ruhanga agonza. (1 Yohana 4:8-10, 19) Kinu n’osobora kukyoleka ota omu bwomezi bwawe? Kworobera ebiragiro bya Ruhanga ha bikwatiraine n’engeso kirakugasira kita? Kiki ekirakukonyera naiwe kugonza kukora ebya Ruhanga agonza? Owarukukwegesa Baibuli naija kusemererwa kukukonyera kugarukamu ebikaguzo binu, nukwo iwe n’abomu maka gaawe musobole ‘kwerindira omu kugonza kwa Ruhanga, . . . musobole kutunga obwomezi obutahwaho.’—Yuda 21.

Nitukusaba kusoma n’akatabu akolekerwe hansi nukwo osobole kusigara omu muhanda ogw’amananu.