Mikiya 4:1-13
4 Ka masiku ya wugamu,Ntshava ya yindlo ya Yehovha+Yi ta vekiwa yi tiya henhla ka tintshava,Naswona yi ta tlakusiwa yi tlula ni maganga,Naswona vanhu va ta ya ka yona.+
2 Matiko ya manyingi ma ta ya ka yona ma ku:
“Tanani, a hi khupukeni hi ya ka ntshava ya YehovhaKa yindlo ya Xikwembu xa Yakobe.+
A ta hi djondzisa tindlela ta yena,Kutani hi ta famba ka tindlela ta yena.”
Hikusa nawu wu ta ta hi Siyoni,Ni rito la Yehovha li ta ta hi Yerusalema.
3 A ta yavanyisa vanhu va vanyingi,+A lunghisa timhaka ta vanhu va matiko ya matimba ya le kule.
Va ta txintxa swipada swa vona swi va swikomuNi matlharhi ya vona ma va masikelo.*+
Tiko a li nge he lwi ni tiko lin’wani,Naswona a va nge he djondzeli ku lwa nyimpi.+
4 Mun’wani ni mun’wani a ta tshama hansi ka nsinya wa yena wa mawuvha ni hansi ka nsinya wa yena wa nkuwa,+A va nge he chavisiwi hi munhu,+Hikusa Yehovha murhangeli wa tintsumi a swi vulile.
5 Hikusa vanhu hinkwavu va ta famba, mun’wani ni mun’wani ka vito la xikwembu xa yena,Kambe hina hi ta famba hi vito la Yehovha Xikwembu xa hina+ hi masiku ni masiku.
6 “Hi siku lolelo,” ku vula Yehovha,“Ni ta hlengeleta lava khwitaka,Ni lava nga hangalakela ni ta va hlengeleta,+Ku patsa ni lava ni nga va khoma hi ndlela ya ku vava.
7 Ni ta siya vanhu van’wani lava a va khwita,+Lava nga kule va ta va tiko la matimba;+Yehovha a ta va hosi ya vona ka Ntshava ya Siyoni,Ku sukela swoswi ni hi masiku ni masiku.
8 Kambe wena, wena prediyu* leli vhikelaka ntlhambi,*Ntshava ya doropa la Siyoni,*+Mfumu wa ku sungula wu ta tlhelela ka wena,+Mfumu wa doropa la Yerusalema.*+
9 Kutani hi mhaka muni u huwelela?
Wo kala u nga na hosi,Kumbe a yo fa lweyi a ku tsundzuxaka,U za u twa ku vava ka ku fana ni loku twiwaka hi wansati loko a psala?*+
10 Konyani n’wina vanhu va Siyoni,*Ku fana ni wansati loko a psala,Hikusa swoswi mi ta suka adoropeni mi ya tshama akhwatini.
Mi ta famba mi za mi ya fika aBabilona,+Mi ta chunsiwa na mi li koseniyani;+Yehovha a ta mi ponisa ka valala va n’wina na mi li koseniyani.+
11 Matiko ya manyingi ma ta hlengeletana swaku ma lwa na wena;Ma ta ku: ‘A a danisiwi,Naswona leswo a swi yendlekele Siyoni na hi swi vona.’
12 Kambe a va swi tivi leswi Yehovha a swi pimisaka,A va ma twisisi maplanu* ya yena;Hikusa a ta va hlengeleta ku fana ni nyandza ya trigu* lela ha ku tsemiwaka, li yisiwa ka ndhawu ya ku hulela ka yona.
13 Pfukani mi hula trigu, n’wina vanhu va Siyoni;*+Hikusa timhondzo ta n’wina ni ta ti txintxa ti va ta nsimbi,Ni maxondzo* ya n’wina ni ta ma txintxa ma va ya kobre,Mi ta helisa vanhu va vanyingi.+
Mi ta nyika Yehovha hinkwaswu leswi va nga swi kuma hi wukanganyisi,Xuma xa vona mi ta xi nyika Hosi ya ntiyiso ya misava hinkwayu.”+
Tinhlamunselu ta le hansi
^ Ku nga nchumu lexi tirhiseliwaka ku tsema byanyi kumbe ku tshovela hi xona.
^ Hi Xiheberu: “ntombhi ya Yerusalema.”
^ Hi Xiheberu: “ntombhi ya Siyoni”.
^ Hi Xiheberu: “prediyu la ntlhambi”.
^ Kumbe: “xihondzo; xitezi”.
^ Kumbe: “veleka.”
^ Hi Xiheberu: “ntombhi ya Siyoni”.
^ Kumbe: “xitsundzuxu xa”.
^ Kumbe ku nga ha va ku vulavuliwa ni hi maxalani.
^ Hi Xiheberu: “ntombhi ya Siyoni.”
^ Ku nga leswi kumekaka hansi ka minenge ya tihomu.
