Loko se ku hundze lembe la 4026 na ku nga se va nguva ya hina (A.E.C.)

“Nyoka” yi sole mfanelo ya Yehovha ya ku fuma ni leswi a fumisaka xiswona. Yehovha a tshembise ku tisa “n’wana” kumbe “mbewu,” leyi a yi ta pfotlosa nyoka, ku nga Sathana. (Genesa 3:1-5, 15, ntlhamuselo ya le hansi) Hambileswo, Yehovha a nyike vanhu nkama swaku va tifuma na va hlohloteliwa hi Sathana.

Lembe la 1943 na ku nga se va nguva ya hina (A.E.C.)

Yehovha a byela Abrahamu leswaku n’wana lweyi a nga tshembisiwa a ta va mun’we wa “vana” va yena. — Genesa 22:18.

Loko se ku hundze lembe la 1070 na ku nga se va nguva ya hina (A.E.C.)

Yehovha a tshembisa Hosi Davhida naswona hi ku famba ka nkama a byela n’wana wa yena Solomoni leswaku “n’wana” lweyi a nga tshembisiwa a ta huma ka ndjangu wa vona. — 2 Samuwele 7:12, 16; 1 Tihosi 9:3-5; Esaya 9:6, 7.

Lembe la 29 ka nguva ya hina (E.C.)

Yehovha a kombisa leswaku Yesu i “n’wana” lweyi a nga tshembisiwa naswona a a ta nyikiwa a wuhosi la Davhida. — Vagalatiya 3:16; Luka 1:31-33; 3:21, 22.

 Lembe la 33 ka nguva ya hina (E.C.)

Nyoka, ku nga Sathana, yi yendla leswaku “n’wana” lweyi a nga tshembisiwa, ku nga Yesu a dlayiwa. Yehovha a pfuxa Yesu leswaku a ya hanya matilweni a tlhela a yamukela wutomi la yena la ku hetiseka, hi ndlela leyo a yendla leswaku swi koteka swaku vanhu va rivaleliwa swidjoho a tlhela a nyika vatukulu va Adamu wutomi la ku kala li nga heli. — Genesa 3:15; Mintirho 2:32-36; 1 Vakorinto 15:21, 22.

Kolomuyani ka lembe la 1914 ka nguva ya hina (E.C.)

Yesu a txukumetela nyoka, ku nga Sathana, amisaveni swa nkamanyana. — Nhlawutelo 12:7-9, 12.

Ka nkama lowu taka

Yesu a ta pfalela Sathana 1.000 wa malembe a gama a mu helisa, leswi fanekiseliwaka hi ku mu pfotlosa nhloko. Leswi Yehovha a a swi lava ku sungeleni hi misava ni hi vanhu swi ta yendleka, vito la yena li ta kwetsimisiwa naswona swi ta tikomba swaku mafumelo ya yena i manene. — Nhlawutelo 20:1-3, 10; 21:3, 4.