Yendani Ndi Chiuta Mwachiganga
Buku ili lingakuwovyani kuti mulutirizgi kuja ndi chivwanu kweniso chiganga.
Kalata Yakutuliya ku Wupu Wakulongozga
Wupu Wakulongozga ugomezga kuti buku lenili liwovyengi kuti muyezgengi chiganga cha anthulumi ndi anthukazi akugomezgeka a mu nyengu yakali.
MAZU NGAKWAMBA
Mungaja Ndi Chiganga!
Buku ili lanozgeka kuti likuwovyeni kuti muje ndi chiganga. Wonani mo Yehova wanguwovya ŵanthu ambula kufikapu kuja ndi chiganga cho akhumbikiyanga kweniso mo wangakuwovyiyani.
CHIGAŴA 1
CHIGAŴA 1
Kutuliya mu nyengu ya Ŵanthu Akali mpaka mu Nyengu ya Akweruzga
Mu chigaŵa ichi tisambirengi vakuwoniyapu vamampha ukongwa va ŵanthu wo ŵenga ndi chivwanu kweniso chiganga ndipu tiyambengi kukambiskana vakukwaskana ndi vo vinguchitika mu nyengu yaku Enoki mpaka munyengu ya mchimi Samuyeli.
Nyengu yo Vinthu va mu Chigaŵa 1 Vinguchitikiya
Tchati cho chilongo nyengu yo ŵanthu wo akuzumbulika mu Bayibolu anguja ndi umoyu kweniso vakuchitika vikuluvikulu vo vizumbulika mu Bayibolu.
1 ENOKI
Wangwenda ndi Chiuta
Enoki wangwenda ndi Chiuta wauneneska munthowa ziŵi zakukhumbika ukongwa. Kumbi iyu wanguchita wuli venivi? Nanga tingasambiranji kwaku Enoki pa nkhani yakuja ndi chiganga?
2 NOWA
Wangususka Charu
Kumbi nyengu yidu yinu yiyanana wuli ndi nyengu yaku Nowa? Wonani mo mungayezge Nowa pa nkhani yakuja ndi chiganga pa umoyu winu.
3 SARA
Wangukana Kuŵanaŵaniya Vinthu vo Wangusiya
Kumbi Sara wangulongo kuti wenga ndi chiganga munthowa wuli?
4 ABRAHAMU
Munthu Wakwamba Kurwa Nkhondu Yaurunji
Kumbi tingasambiranji kwaku Abrahamu pa mtima waki wakukhumbisiska kutaska muphwa waki Loti? Kumbi Yehova wangukondwa ndi chiganga kweniso chivwanu cho Abrahamu wangulongo?
5 ABRAHAMU
Wanguvwiya Chiuta Chinanga Kuti Venga Vakusuzga
Kumbi tingamuyezga wuli Abrahamu pa nkhani yakuja ndi chiganga kuti tivwiyi Chiuta? Kumbi nkhani iyi yititisambizanji vakukwaskana ndi chanju cho Yehova wenachu?
6 RABEKA
Wanguzomera Kuluta ku Malu Ngachilendu
Rabeka wenga munthukazi wachiganga kweniso chivwanu. Kumbi tingasambiranji kwaku iyu?
7 YAKOBE
Wanguchita Chiganga Kuti Wavikiliyi Banja Laki
Kumbi chakuwoniyapu chaku Yakobe chingakusimikiziyani wuli kuti vitumbiku vaku Yehova viphara kusuzhika kwekosi?
8 YOSEFI
Wanguthera Cha Wati Wakumana ndi Mayeseru
Wonani mo chakuwoniyapu chaku Yosefi chingakuwovyiyani kukana kweniso kukunthiyapu mayeseru.
9 SIFIRA, PUWA, AMURAMU, YOKIBEDI NDI MIRIYAMU
‘Chifukwa cha Chivwanu, Angubisa Mozesi’
Azamba, apapi aku Mozesi ndipuso mzichi waki angulongo kuti ŵenga ndi chivwanu kweniso chiganga. Kumbi tingaŵayezga wuli?
10 MOZESI
Wangusankha Vinthu Mwazeru
Kumbi Mozesi wangusankhanji ndipu chifukwa wuli? Kumbi mungasambiranji kwaku Mozesi?
11 MOZESI
“Luta Kwaku Farawo”
Kumbi vo vinguchitikiya Mozesi vititiwovya wuli kuziŵa kuti Yehova watiwovyengi asani titijivwa kuti tingafiska cha kuchita uteŵeti wo tapaskika?
12 KALEBE
Wanguja Wakugomezgeka Kwaku Chiuta Waki
Wonani mo chakuwoniyapu chaku Kalebe chingatiwovye kukana kuchichizgika ‘kulondo gulu la ŵanthu.’
13 YOSWA
Wangulondo Ulongozgi Wakusuzga Kuwuvwisa
Kumbi mbulongozgi wakusuzga kuwuvwisa nuwu wo Yoswa wangulonde kutuliya kwaku Yehova? Kumbi mphavakuchitika nivi vo tingayezga Yoswa?
14 RAHABI
Wangusankha Yehova Kuja Chiuta Waki
Kumbi tingasambiranji pa vo Rahabi wanguchita? Kumbi wangutumbikika wuli chifukwa cha chivwanu kweniso chiganga chaki?
15 NAWOMI NDI RUTI
Angusuzgikiya Limoza
Kumbi Nawomi ndi Ruti angulongo kuti ŵenga ndi chiganga munthowa wuli? Kumbi tingasambiranji kwaku yiwu?
16 BARAKI NDI DEBORA
“Ndilutiyengi Nawi Limoza”
Baraki wangupempha Debora kuti walutiyi nayu limoza ku nkhondu. Kumbi venivi ving’anamuwa kuti wengavi chivwanu chanthazi?
17 YAYELI
“Munthukazi Wakutumbikika Ukongwa”
Vo Yayeli wanguchita pakuchita chiganga kulimbana ndi murwani waku Yehova vakovya mbwenu chinanga ndi mazuŵa nganu. Ntchifukwa wuli tikhumbika kuja ndi chiganga nge iyu mazuŵa nganu kuphara kali?
18 GIDIYONI
Wenga Wachiganga Kweniso Wakuphwere Pakuchita Vinthu
Kumbi mpha vakuchitika nivi vo tikhumbika chiganga kweniso kuchita vinthu mwakuphwere?
19 YEFITA NDI MWANA WAKI MUNTHUKAZI
Angufiska Layizgu Lakusuzga
Kumbi chakuwoniyapu chaku Yefita ndi Mwana Waki Munthukazi chingatiwovya ukongwa mazuŵa nganu?
20 SAMUSONI
Wenga ndi Chiganga
Kumbi tingasambiranji pa vo Samusoni wanguchita wati wanangisa vinthu vinyaki?
21 SAMUYELI
Mnyamata yo Wangulongoro Mwachiganga Uthenga Wakutuwa Kwaku Yehova
Kumbi mphanyengu niyi po achinyamata akhumbika chiganga kuti achiti cho ntchakwenere?
CHIGAŴA 2
CHIGAŴA 2
Kutuliya mu Nyengu ya Mafumu Mpaka Munyengu ya Kuzenga so Yerusalemu
Muchigaŵa ichi tiwonengi vakuwoniyapu va ŵanthu a munyengu yakali wo angulongo chivwanu kweniso chiganga, kwamba ndi Yonatani mwana wa Fumu Sauli, pavuli paki tikambiskanengi vakukwaskana ndi Davidi ndipu pakumaliya tikambiskanengi vakukwaskana ndi ateŵeti anyaki aku Chiuta wo anguweku ku ukapolu ku Babiloni ndi kuchizenga so Yerusalemu.
Nyengu yo Vinthu va mu Chigaŵa 2 Vinguchitikiya
Tchati cho chilongo nyengu yo ŵanthu wo akuzumbulika mu Bayibolu anguja ndi umoyu kweniso vakuchitika vikuluvikulu vo vizumbulika mu Bayibolu kutuliya mu nyengu ya mafumu mpaka munyengu ya kuzenga so Yerusalemu.
22 YONATANI
Wakhumbikanga Chiganga Kuti Waje Wakugomezgeka
Yonatani wakhumbikanga kusankha kuti wajengi wakugomezgeka kwaku yani. Kumbi wangumuziŵa wuli munthu yo wakhumbikanga kumugomezga? Kumbi isi tingamuyezga wuli?
23 DAVIDI
Davidi—Wanguchita Chiganga Kulimbana ndi Chinkhara
Davidi waziŵikanga kuti “ngwachiganga ndipuso ngwanthazi.” Kumbi chakuwoniyapu chaki chinguwovya wuli ŵanthu anyaki? Kumbi chiganga chinu chingawovya wuli ŵanthu anyaki?
24 ABIGELU
Abigelu—Wangulimbana ndi Anthulumi Ŵaŵi Akukwiya
Kumbi ŵanthu akutorana angasambiranji kwaku Abigelu?
25 DAVIDI
Davidi—Wanguchita Chiganga Kuchita cho Ntchakwenere
Davidi wenga ndi mwaŵi wakuti wangaweze. Kumbi ntchinthu wuli cho chingumuwovya kuti waleki kuweze? Kumbi tingamuyezga wuli?
26 NATANI
Wanguyipaska Ulongozgi Fumu
Kumbi nkhani yaku Natani yititisambizanji pa nkhani ya mo tingawovye munyidu yo wachita ubudi ukulu?
27 MEFIBOSETI
Wangukwiya Cha Wati Wachitirika Vinthu Vambula Urunji
Kumbi ndi fundu nizi zakupembuzga zo tingasambira kwaku Mefiboseti?
28 ASA
Wanguteŵete Yehova kwa “Umoyu Waki Wosi”
Kumbi tingasambira vinthu wuli ku munthu yo mtima waki wenga wamphumphu pakuteŵete Yehova?
30 CHOKO CHAKU ZAREFATI
Wangulongo Chiganga mu Nyengu Yakusuzga
Kumbi nkhani ya choko cha ku zarefati yingatiwovya wuli kuti tithembengi Yehova?
31 KAMSUNGWANA KA CHIYISIRAYELI
Kamsungwana Kangulongoro Mwachiganga Vakukwaskana ndi Chiuta Waki
Chakuwoniyapu chakamsungwana ka Chiyisirayeli chititichiska kuti tichitiyengi mbwenu ukaboni asani tichita mantha.
32 ELISHA
“Yehova, Chondi Mujuleni Masu Kuti Wawoni”
Kumbi ndi pavakuchitika nivi vo “tingawone” kuti angelu we pafupi nasi ndipu mbakunozgeka kutiwovya?
33 YEHOYIYADA
Iyu Wanguvikiliya Fumu yo Yehova Wangusankha
Kumbi Yehoyiyada wanguchita chiganga wuli? Kumbi mungamuyezga wuli Yehoyiyada pa nkhani yakuja ndi chiganga pa umoyu winu?
34 HEZEKIYA
“Iyu Wangumutaya cha Yehova”
Hezekiya wangulongo chiganga kweniso chivwanu. Kumbi nasi mazuŵa nganu tingamuyezga wuli?
35 MANASI
Wanguchita Chiganga Kuti Walapi
Ntchifukwa wuli Manasi waziŵika kuti wenga chakuwoniyapu chamampha pa nkhani yakulongo chiganga?
36 YOSIYA
Iyu Wanguwovya Ŵanthu Kuwere so Kwaku Yehova
Chinanga kuti Yosiya wangukunthiyapu vinthu vinandi weche mwana kweni wanguchita chiganga kuja kuchigaŵa chakusopa kwauneneska. Kumbi tingamuyezga munthowa wuli?
37 DANIYELI
“Wangusimikiza Mumtima Mwaki Kuti Wajifipiskengi Cha”
Kumbi ndi nthowa zinyaki nizi zo achinyamata angayezge chiganga kweniso kugomezgeka kwaku Daniyeli? Kumbi tosi tingayanduwa wuli ndi chakuwoniyapu chaki?
38 ANYAMATA ATATU ACHIHEBERI
Yiwu “Anguthereska Nthazi ya Motu”
Achinyamata atatu Achiheberi angulongo chiganga chinanga phanyengu yo apenjanga ku wabaya. Kumbi chakuwoniyapu chawu chingatiwovya wuli kuti tilongo kuti te akujiyuyuwa, akuzika kweniso akugomezgeka?
39 ESITERI
“Asani Nkhufwa, Mbwenu Nkhafwi Ŵaka”
Esiteri wenga wazeru kweniso wavwiyanga. Iyu wangufiska kukambiskana ndi mulumu waki yo wateŵetiyanga Chiuta cha. Kumbi tingasambiranji kwaku iyu?
40 NEHEMIYA
Wanguzenga so Mpanda
Kumbi chakuwoniyapu chaku Nehemiya chititisambizanji pa nkhani yakuteŵete Yehova ndi mtima wosi? Kumbi ŵara angayezga wuli chakuwoniyapu chaku Nehemiya?
CHIGAŴA 3
CHIGAŴA 3
Nyengu Yaku Mesiya ndi Akusambira Ŵaki
Mu chigaŵa ichi tiwonengi vakuwoniyapu va ŵanthu akugomezgeka kweniso wo ŵenga ndi chiganga mu nyengu yaki, kusazgapu vakukwaskana ndi mwali munyaki Wachiyuda, zina laki Mariya kweniso wakutumika Yohane.
Nyengu yo Vinthu va mu Chigaŵa 3 Vinguchitikiya
Tchati cho chilongo nyengu yo ŵanthu wo akuzumbulika mu Bayibolu mu chigaŵa 3. kweniso vakuchitika vikuluvikulu vo vizumbulika kutuliya nyengu yaku Mesiya kufika mu nyengu ya mazuŵa ngakumaliya ngaku wakutumika Yohane.
41 ZEKARIYA NDI ELIZABETI
“Ŵenga Arunji Kwaku Chiuta”
Ntchifukwa wuli Yehova wawonanga kuti Zekariya ndi Elizabeti ŵenga arunji? Nanga isi tingaŵayezga wuli?
42 MARIYA
Wanguchita Chiganga ndi Kuzomera
Mariya wangupasika uteŵeti wapade kweniso wakusuzga. Kumbi ntchinthu wuli chingumuwovya kuti wafiski kuchita uteŵeti wenuwu kwa umoyu waki wosi?
43 YOSEFI
Wenga Da Wachiganga
Kumbi Yosefi ntchakuwoniyapu chamampha munthowa wuli kwa ada Achikhristu mazuŵa nganu?
44 YOHANE MUBATIZI
“Palivi Munthu Mura”
Yohane wenga munthu wa chiganga yo wajanga umoyu upusu. Wonani vo tingasambirapu kwaku iyu.
45 PETURO
“Nde Wakubuda”
Kumbi tingasambiranji kwaku Peturo pa nkhani ya kulutirizga kuteŵete Yehova kuleka kutore kanthu vinthu vo tinangisa?
46 MARIYA WA KU MAGADALA
“Ndawona Ambuya!”
Mariya wangujipereka ndi mtima wosi kuti wawovyi Yesu ndi akusambira waki. Kumbi tingalongo wuli lisungu kweniso chiganga nge mo iyu wanguchitiya?
47 MARIYA, MUZICHI WAKU LAZARO
“Iyu Wachita vo Wangafiska”
Yesu wangulumba mzichi waku Lazaro, Mariya chifukwa cha chivwanu kweniso chiganga chaki. Kumbi iyu wangulongo wuli kuti wenga ndi chiganga? Kumbi isi tingamuyezga wuli mazuŵa nganu?
48 STEFANO
“Munthu yo wenga ndi Chivwanu kweniso wakuzazika ndi Mzimu Wakupaturika”
Stefano wangukumana ndi mayeseru pa umoyu waki. Kumbi wanguchita wuli kuti wavikiliyi chivwanu chaki? Kumbi chakuwoniyapu chaki chingatichiska wuli kuti nasi tilutirizgi kuja ndi chivwanu?
49 PETURO
Iyu wanguja Jalawi
Kumbi chakuwoniyapu chaku Peturo chingatiwovya wuli isi pa nkhani ya kuthemba Yehova kweniso kumalisa mantha ngidu?
50 SAULO WA KU TARISO
Iyu Wangusintha Maŵanaŵanu Ngaki
Kumbi ntchinthu wuli cho chinguchitiska munthu yo watombozganga ukongwa Akhristu kuti wasinthi umoyu waki? Kumbi isi tingasambiranji ku chakuwoniyapu chaki?
51 BARANABA
“Mwana Wakupembuzga”
Baranaba mwachiganga wanguwovya Saulo, ndipu wanguluta nayu kwa akutumika. Kumbi tingachiyezga wuli chiganga chaku Baranaba kweniso mtima waki wakukhumbisiska kuteŵete anyaki?
52 MARIKO
“Ngwakovya Kwaku Ini”
Kuleka kutore vingumuchitikiya kuvuli, mwachiganga Mariko wangulutirizga kuteŵete kweniso kuwovya Akhristu anyaki. Kumbi tingasambiranji kwaku Mariko?
53 PAULO
“Nditikukambiyani Kuti Mukhwimi Mtima”
Kumbi wakutumika Paulo wangulongo wuli chiganga pa nyengu yo vinthu venga umampha cha? Kumbi chiganga chaki chinguwovya wuli ŵanthu anyaki?
54 WAKUTUMIKA YOHANE
Wangulongo Chiganga mu Nyengu Zakusuzga
Wakutumika Yohane wanguchita mantha cha pamwenga kutaya mtima. Kumbi tingamuyezga wuli kuti tilutirizgi kwenda ndi Chiuta mwachiganga?
NKHANI YAKUMALIYA
NKHANI YAKUMALIYA
“Khwimani Mtima”
Bayibolu lendi vakuwoniyapu va anthulumi ndi anthukazi, ŵana ndi ŵara wo mwachiganga anguja ku chigaŵa chaku Yehova. Nkhani zawu zingatichiska kuti nasi tije ndi chiganga.
Pepani, palivi mazu ngo ngayanana ndi ngo imwi mwasankha.
