Julani

Lutani pa menyu yachiŵi

Akaboni aku Yehova

Chitonga (Malawi)

Nkhani ya Kusunga Chisisi ndi ma Cookie

Nkhani ya Kusunga Chisisi ndi ma Cookie

Gulu la Akaboni aku Yehova liziŵa kuti munthu weyosi we ndi wanangwa pa nkhani zaki zachisisi. Kuti muwoni ndondomeku ya fundu zo gulu lidu lilondo pa nkhani ya Kukusungiyani Chisisi, julani yapa.

Nkhani Yakukusungiyani Chisisi yikonkhosa fundu zo gulu la Akaboni aku Yehova lilondo asani munthu walemba vinthu vinyaki vakukwaskana ndi iyu. Pe so marangu ngo tilondo pa webusayiti iyi ndipu ngalembeka mumphata umu.

Webusayiti iyi nja Watchtower Bible and Tract Society of New York, Inc. (“Watchtower”) Wupu wenuwu we ku New York ndipu uchita bizinesi cha kweni uwonere ntchitu za Akaboni aku Yehova ndipuso ntchitu ya kusambiza Bayibolu. Maseva nganyaki ngo webusayiti iyi yigwirisiya ntchitu nge ku United States of America.

Vakukwaskana ndi Imwi

Vinthu vakukwaskana ndi imwi vo mungalemba pa webusayiti iyi, vigwirisikiya ntchitu pa vifukwa vo angukupemphiyani pe.

Tipereka cha ku munthu munyaki vinthu vakukwaskana ndi imwi vo mwalemba kupatuwaku asani mphakwenere kuchita viyo. Tingachita viyo asani mukhumba kuwovyeka pa vinthu vinyaki, asani takuziŵisani dankha kweniso asani marangu ngakhumba kuti tichiti viyo pamwenga asani tikhumba kuvikiliya ndi kunozga vinthu vinyaki vakukwaskana ndi webusayiti iyi. Asani mugwirisiya ntchitu webusayiti yidu ndikuti muzomereza kuti pa vifukwa venivi pe tingapereka vinthu vo mwalemba vakukwaskana ndi imwi ku makampani nganyaki ngo isi tigwira nangu ntchitu. Vinthu vo mwalemba vakukwaskana ndi imwi tivigulisengi cha pamwenga kuvibwerekesa, kaya vingasuzga wuli.

Mawebusayiti nga Makampani Nganyaki. Nyengu zinyaki pa webusayiti iyi musaniyengi malinki nga mawebusayiti nga makampani nganyaki ngo titingagwirisiya ntchitu (mwakuyeruziyapu, kulemba mafomu nga pa Intaneti). Mwazamuziŵa kuti mwe pa webusayiti yinyaki chifukwa yazamuwoneka mwakupambana ndi mo webusayiti yidu yiwoneke kweniso adiresi ya webusayiti yazamusintha. Asani tasankha kampani yinyaki, tiwona asani nkhani ya kusunga chisisi yiyanana so ndi fundu za kusunga chisisi zo isi tilondo. Asani mwe ndi mafumbu ngakukwaskana ndi fundu zo makampani nganyaki ngatende, wonani pa webusayiti yawu.

Kusunga Chisisi cha Vinthu Vakukwaskana ndi Imwi

Tiwona kuti kusunga chisisi cha vinthu vakukwaskana ndi imwi ntchinthu chakukhumbika ukongwa. Tivikiriya vinthu vakukwaskana ndi imwi mwakugwirisiya ntchitu vinthu nge Transport Layer Security (TLS). Kuti tivikiriyi vinthu vakukwaskana ndi imwi vo mwalemba pa webusayiti yidu, tigwirisiya ntchitu mapulogilamu ngapachanya nga pa kompyuta ngo ŵanthu angafiska cha kuwona vakukwaskana ndi imwi.

Maakaunti

Imelu adiresi yo mungugwirisiya ntchitu pakujula akaunti yinu pa webusayiti iyi ndiyu tigwirisiyengi ntchitu kuti tikuziŵiseningi vinthu vinyaki vakukwaskana ndi akaunti yinu. Mwakuyeruzgiyapu, asani mwaluwa zina pamwenga pasiwedi yo mugwirisiya ntchitu pakusere pa akaunti yinu, tikulembiyeningi meseji ku imelu adiresi yinu kuti tikuwovyeni.

Ndalama zo Mupereka Mwakukhumba Mwija

Asani mwapereka ndalama mwakukhumba mwija kuziya pa webusayiti yidu, tisungengi zina kweniso adiresi yinu. Kuti tilonde ndalama zo mwapereka mwakugwirisiya ntchitu kadi la ku banki, tigwirisiya ntchitu nthowa yapachanya yakutumiziya ndalama kuziya pa Intaneti yo njakuvikiliririka ukongwa. Tisunga cha pamwenga kugwirisiya ntchitu vinthu vakukwaskana ndi kadi linu la kubanki, banki akaunti yinu pamwenga chechosi chakukwaskana ndi akaunti yinu cho mungalemba pakupereka ndalama mwakukhumba mwija. Isi tisunga waka zuŵa lo mwatumiziya ndalama, unandi wa ndalama zo mwatumiza kweniso nthowa yo mwagwirisiya ntchitu. Venivi titivisunga kwa vyaka pafupifupi 10. Tichita venivi kuti tilondo marangu ngo ngakujalikiskika pa nkhani yakusunga ndalama kweniso kuti tifiski kumuka mafumbu ngo imwi mungafumba pa nyengu yeniyi. Tikupempheningi kuti mupereki ndalama zinyaki cha.

Vinthu Vinyaki

Mungalemba vinthu vinyaki vakukwaskana ndi imwi (nge zina, adiresi ndi nambala yinu ya foni) kuti tivigwirisiyi ntchitu pa vinthu vinyaki kupatuwaku kupereka ndalama pamwenga kujula akaunti (nge kupempha sambiru la Bayibolu). Tigwirisiya ntchitu vinthu venivi pa ntchitu yo imwi mukhumba pe ndipuso asani mphakwenere kuchita viyo.

Cookies ndi Nthowa Zinyaki

Asani mwajula webusayiti yidu tisunga vinthu vinyaki vakukwaskana ndi imwi chinanga kuti mungaleka kulemba. Vinthu venivi titivisunga mwakugwirisiya ntchitu “cookies,” “web beacons,” kweniso nthowa zinyaki. Mazu ngakuti ngo tagwirisiya ntchitu mu nkhani iyi ngang’anamuwa vinandi kusazgapu vinthu vo visungika muvipangizu vo mugwirisiya ntchitu.

Cookies. Mwakuyanana ndi mawebusayiti nganyaki, pe vinthu vinyaki vimanavi vakukwaskana ndi imwi vo viziŵika kuti “cookie” vo vingasungika mu foni, tabuleti pamwenga kompyuta yinu. Pe mitundu yakupambanapambana ya ma cookie ngo ngagwira ntchitu mwakupambanapambana kweniso ngo ngatovya kuti mujulengi webusayiti iyi mwambula kusuzga. Tingagwirisiya ntchitu ma cookie kuti tiziŵi asani mukujulapu kali webusayiti yidu pamwenga tikumbuki vo mungusankha mwati mwajula. Mwakuyeruzgiyapu, chineneru cho mungusankha chingasungika mu cookie kuti muzichigwirisiyi ntchitu asani mwajula so webusayiti yidu. Ma cookie titingagwirisiya ntchitu pa kusasa malonda cha.

Mitundu ya ma cookie ngo ngagwirisikiya ntchitu pa webusayiti iyi ngangagaŵika mu magulu ngatatu yanga:

  1. Ma Cookie Ngakukhumbika Ukongwa​—Ma cookie yanga ngakukhumbika ukongwa chifukwa ngatikuwovyani kuti mufiski kugwirisiya ntchitu vigaŵa vinyaki va webusayiti iyi nge kusere pa akaunti yinu pamwenga kutumiza mafomu. Kwambula ma cookie ngenanga, mungapanga cha vinthu vinyaki nge kupereka ndalama mwa kukhumba mwija. Ma cookie ngenanga ngatitiwovya kuti tifiski kupanga vinthu vo mungatipempha asani mwajula webusayiti yidu. Kweni ngasunga cha vinthu vakukwaskana ndi imwi vo vingagwirisikiya ntchitu pa kusasa malonda pamwenga kukumbuka webusayiti yinyaki yo mungujulapu.

  2. Ma Cookie nga mo Chipangizu Chinu Chigwiriya Ntchitu​—Ma cookie yanga ngatovya webusayiti kuti yikumbukengi vinthu vo mungusankha (nge zina la akaunti yinu, chineneru, pamwenga charu cho muli) kweniso ngatovya kuti mujulengi webusayiti mwambula kusuzga.

  3. Ma Cookie Ngakuŵerengese Vinthu​—Ma cookie yanga ngagwirisikiya ntchitu kuti tiziŵi mo ŵanthu agwirisiya ntchitu webusayiti yidu. Mwakuyeruzgiyapu, unandi wa ŵanthu wo ajula webusayiti yidu pamwenga utali wa nyengu yo ŵanthu ajapu. Vo ma cookie yanga ngasunga, vititiwovya kuti tisinthi mo webusayiti yidu yigwiriya ntchitu pe, vinyaki cha.

Ma cookie nganyaki ngo nge pa webusayiti yidu tikungajalikisa tija. Penipo nganyaki ngakujalikisika ndi makampani nganyaki. Tigwirisiya ntchitu ma cookie ngo webusayiti yidu yikujalikisa kweniso nga Google reCAPTCHA pe. Pulogilamu ya Google reCAPTCHA yigwirisikiya ntchitu kuti webusayiti yiziŵengi kuti ndi munthu yo wajula pamwenga asani ndi roboti. Venivi vitovya kuti pa webusayiti paleki kutumizika vinthu vabwekabweka. Wonani fundu za chisisi zo kampani ya Google yilondo pa https://www.google.com/intl/en/policies/privacy/.

Web Beacons. Webusayiti yidu ye ndi mafayelu nga pa kompyuta ngo ngaziŵika kuti web beacon. Mafayelu ngenanga ngatitiwovya kuti tiziŵi vo vichitika pa webusayiti yidu. Mwakuyeruzgiyapu tigwirisiya ntchitu ma web beacon kuti tiziŵi mo ŵanthu agwirisiya ntchitu webusayiti yidu kweniso kuti tiziŵi mo webusayiti yidu yigwiriya ntchitu.

Mo tigwirisiya ntchitu IP adiresi. IP adiresi ndi nambala yo kompyuta yinu yiziŵika nayu pa Intaneti. IP adiresi yinu kweniso mtundu wa pulogilamu yo mugwirisiya ntchitu pa kujula Intaneti vititiwovya kuziŵa mo mugwirisiya ntchitu webusayiti yidu, masuzgu ngo mukumana nangu kweniso vo tingachita kuti tinozgi vinthu vinyaki pa webusayiti yidu.

Vo Mungasankha. Pa mapulogilamu nganandi ngakujuliya Intaneti mungasankha kuzimwisa ma cookie pamwenga mungasankha kuti mulondiyengi dankha uthenga wakukufumbani mwechendaŵiki ma cookie mu chipangizu chinu. Kuti muziŵi mo mungachitiya venivi wonani ulongozgi wa pulogilamu yo mugwirisiya ntchitu pa kujula Intaneti. Kweni ziŵani kuti kwambula ma cookie mungawona cha vigaŵa vinyaki va pa webusayiti yidu.

Kuŵika ma Script pamwenga JavaScript

Script ndi pulogilamu ya pa Intaneti yo yigwirisikiya ntchitu kuti webusayiti yigwirengi ntchitu umampha. Kugwirisiya ntchitu pulogilamu iyi kutovya kuti webusayiti yilekengi kuswera kujula. Tigwirisiya ntchitu pulogilamu ya Script kuti tito vinthu pamwenga tiŵiki mapulogilamu mumakopyuta nga ŵanthu cha.

Kuti vinthu vinyaki pa webusayiti iyi vigwiri ntchitu umampha mutenere kuŵika script pamwenga JavaScript pa pulogilamu yo mugwirisiya ntchitu pakujula Intaneti. Mapulogilamu nganandi ngakujuliya Intaneti ngazomera kugwirisiya ntchitu script. Kuti muziŵi mo mungaŵikiya script ŵerengani ulongozgi wa pulogilamu yo mugwirisiya ntchitu pakujula Intaneti.

Wanangwa Winu

Isi tikutchajeningi ndalama cha chifukwa cha kugwirisiya ntchitu webusayiti yidu, kusazgapu kupanga dawunilodi mabuku, mavidiyo kweniso vinthu vakuvwisiya. Mukhumbika cha kujula akaunti, kupereka ndalama pamwenga kulemba vinthu vakukwaskana ndi imwi kuti mugwirisiyi ntchitu webusayiti yidu. Kweni asani mwakhumba mwija kujula akaunti, kupereka ndalama, kupempha sambiru la Bayibolu pamwenga kuchita vinthu vinyaki vo mupemphekengi kuti mulembi vakukwaskana ndi imwi, ndikuti muzomereza fundu zo isi tilondo pa Nkhani ya Kusunga Chisisi kweniso ma Cookie. Muzomereza so kuti vinthu vo mulembengi visungiki mu maseva ngidu ngo nge ku United States of America, vitumiziki, vigwirisikiyi ntchitu kweniso kusungika ndi maofesi nga Akaboni aku Yehova ngo nge muvyaru vakupambanapambana asani mphakwenere kuchita viyo kuti akuwovyeni vo mupenja. Vinthu vo mungapempheka kulemba vingaja vakupambanapambana ndipu venivi vithemba pa vo imwi mupenja pa webusayiti yidu. Mwakuyeruzgiyapu, asani mwapereka ndalama ku ofesi yidu ya ku charu chinyaki kuziya pa webusayiti yidu, zina ndi adiresi yinu vitumizikengi ku ofesi yo mwapereka ndalama. Asani so mwapempha sambiru la Bayibolu, zina ndi adiresi yinu vitumizikengi ku ofesi ya Akaboni aku Yehova kuti akuwovyeni.

Asani mwalemba cha vinthu vakukwaskana ndi imwi vo vikhumbika pakujula akaunti, kupereka ndalama pamwenga pa vinthu vinyaki, isi tikuwovyeningi cha.

Asani tawona kuti mphakwenere kusintha fundu zo tilondo pa Nkhani ya Kusunga Chisisi ndi ma Cookie, vinthu vo tasintha tazakuviŵika papeji lenili kuti muziŵi fundu zasonu zo tilondo.

Mwakukoliyana ndi marangu, namwi mungaŵa ndi wanangwa unyaki pa vinthu vakukwaskana ndi imwi vo mulemba pa webusayiti yidu. Wanangwa wenuwu usazgapu kuwona, kunozga vo vanangika pamwenga kufufuta vinthu vakukwaskana ndi imwi vo mwalemba. Asani mwe ndi wanangwa wenuwu mu charu chinu, musaniyengi ma adiresi yapa. Asani mupenja kuziŵa vo mungulemba vakukwaskana ndi imwi pa nyengu yo mwaperekanga ndalama, mungafumba ofesi yidu yo yingulonde ndalama zenizi nge mo munguwone panyengu yo watumizanga ndalama pamwenga mungawona pa lisiti linu lakulongo kuti ndalama zikufika.