Iniongo i Paseka i yange i hii eren la lu i a tsa a hungur a mi ga yô. Farao fe hen tugh mbura ér waniunda na kpe yô, a kaa a Mose ér: “Mough, due nen ken ior av kera, ne kua Mbaiserael, yem za civir nen TER er ne kaa nahan.” (Ek 12:31) Yehova tese ér un kuran ior nav hanma shighe.

Sha ayange a ase ne kpa, aluer se nenge yiase i ior mba Yehova yô, ikyav tese wang ér Yehova za hemen u kuran ve. I tese kwagh ne wang hen ajiir a zenden nengen akaa a yiase yase a hen afishi a shin itine la, sha itinekwagh i “Nongoior sha Ci u Iti i Yehova” la.

NENGE VIDIO I AJIIR A ZENDEN NENGEN AKAA A YIASE YASE A KEN WARWICK: “NONGOIOR SHA CI U ITI I YEHOVA” LA, MAA NA MLUMUN SHA MBAMPIN MBA VE DONDO NE:

• Ka ikyagh ki tomough ki hegh ki nyi yange Mbahenen Bibilo hii u eren tom a mi ken inyom i 1914 sha u wasen ior ve na jighjigh a Bibilo, man yange ki wase nena?

• Yange i kar jighjigh u ior ken inyom i 1916 man 1918 la nena, man ka nyi i tese ér shighe la kpa Yehova lu hemen nongo ne?

• Shin er yange i lu hendan a ior mba Yehova nahan kpa, ve tile dông sha jighjigh ve u nan nena?

• Ka mkav u he u nyi ior mba Yehova zua a mi ken inyom i 1935 la, man kwagh ne na yô, ve er nena?

• Aluer u vande zenden nengen akaa a yiase yase ne yô, ka nyi u nenge a mi i i seer taver jighjigh wou wer Yehova ngu hemen shi kuran ior nava?