Neisesenia jo atur, aacer arai akipi nueleleete, itijenikinete kereka jo ebe ejai Lokasuban? Itodikinete oni isuban iponesio luka Yawe. (Rom 1:20) Arai isesen oni isuban luka Edeke, imisiikini oni ebe ejaatar Yawe ka apedor, amin, acoa keda etube ido erai ngesi loekori.​—Sab 104:24.

Ani bo isuban luka Yawe luisesenenei jo anginipaaran? Arai da iboei jo otaun, ipedori jo asesen akweny arai ikito. Arai isesen oni isuban luka Edeke, ingarakini oni aitidisiar aiyangongong, aisingarenit iboro luepolok ido itogogongi aiyuuniwok ebe epedori Yawe aingarakin oni kotoma atiokisio apakio kere. (Mat 6:25-32) Arai ejaas jo idwe, ipedori jo aingarakin kes amisiikin iponesio luka Yawe. Neinyikokinia oni asesen isuban luka Edeke, egogongor eidicanewok keda Lokasubaniwok.​—Sab 8:3, 4.

KOSESENATA EBIDIO ITODUNITOS ISUBAN LUKA EDEKE AIBUSESUKE​—AICA KEDA IRIAGIN, KOSODETE ABONGOKIN AINGISETA NU:

• Inyoin bo ingarakinit oni asesen iriagin luegelegela?

• Kanukinyo ijulanakinotor iriangin ice kotupite esiep loisesenia jo kes?

• Kanukinyo ipedoritor oni asesen iriagin luegelegela kokuju?

• Ani bo iriagin luka isuban luiseseni jo atutubetekon?

• Kanukinyo ibusakinitor jo adumun apak asesen isuban luka Edeke?