Raga̱jma̱ i̱yi̱i̱ʼ rí niʼnirámáʼ Pedro 2:1-22

  • Makuwíin “bi̱ musngáa rí minduwaʼ” (1-3)

  • Bi̱ nusngáa rí minduwaʼ mumíniiʼ (4-10a)

    • Ángeles nijthiin náa Tártaro (4)

    • Ruʼwambiʼ, Sodoma ga̱jma̱a̱ Gomorra (5-7)

  • Rí xóo nindxu̱ún bi̱ nusngáa rí minduwaʼ (10b-22)

2  Xó má nikúwá profetas bi̱ minduwiinʼ náa xuajin, xúʼko̱ má gákúwá náa ikháanʼla bi̱ musngáa rí minduwaʼ.+ Ikhiin asndu tsu̱ma̱á muniwájñanʼla, muni̱ gámbáa fe ndrígala, asndu xáʼndúún gúyáá bi̱ kaʼñún bi̱ niʼtsiwíin.+ Ga̱jma̱a̱ numuu rí nuni̱, mbá nacha̱ gámbíin. 2  Ma̱ngaa mbaʼin mbuyaridáá xúgíʼ enii dí xkawiʼ* rí nuni̱,+ numún ikhiin muthi dí raʼkhí ga̱jma̱a̱ numuu kamba̱a̱ rí gajkhun.+ 3  Numuu rí nanigu̱u̱nʼ maguaʼdáá wéñuuʼ, ikha jngóo majmún ajngáa rí minduwaʼ mu muniala xó má eñún. Mú rí mumíniiʼ xóo rí nijuiʼthá asndu nákha ginii,+ na̱ʼkha̱ rajngiyuu má ga̱jma̱a̱ rí mambíi̱n gítháán má tígo̱o̱.+ 4  Xúʼko̱ má Dios niʼni rí mumíniiʼ ángeles bi̱ nixudami̱jna̱ aʼkhá+ ga̱jma̱a̱ nigruiʼíinʼ náa Tártaro,*+ niruʼwún ga̱jma̱a̱ cadena náa* kína mbiʼ mu muwaʼthi̱i̱n rí mumíniiʼ.+ 5  Xúʼko̱ má niʼni rí mamínuuʼ mbá numbaaʼ dí nirígá nákha wájyúuʼ,+ mú niʼni kríya̱a̱ʼ Noé bi̱ niʼtáráʼa dí nindxu̱u̱ jmbu+ gajmíi̱n mbá juwiin xa̱bu̱+ índo̱ ni̱ʼkha̱ kayóo mbá ruʼwambiʼ náa numbaaʼ rí nikúwá xa̱bu̱ bi̱ ra̱míjíinʼ.+ 6  Índo̱ niʼni rí mumíniiʼ xa̱bu̱ ga̱jma̱a̱ niʼni̱i̱ idiuuʼ xuajin Sodoma ga̱jma̱a̱ Gomorra.+ Xúʼko̱ nisngájma rí mugíʼníín xa̱bu̱ bi̱ ra̱míjíinʼ.+ 7  Ma̱ngaa niʼni kríya̱a̱ʼ Lot+ bi̱ nindxu̱u̱ xa̱bu̱ májáanʼ, bi̱ nixmiéjuunʼ wéñuuʼ ga̱jma̱a̱ numuu xúgíʼ enii rí xkawiʼ dí nini̱ xa̱bu̱ bi̱ ra̱míjíinʼ,* 8  tsejtsíí mbiʼi, xa̱bu̱* májáanʼ buʼko̱ nimínuuʼ wéñuuʼ ga̱jma̱a̱ xúgíʼ dí ra̱májánʼ rí ndaʼyoo ga̱jma̱a̱ rí naʼdxun. Índo̱ ikhaa xtáa náa majñu̱únʼ ikhiin. 9  Jeobá* najmañuu maʼni káwíin náa xkujndu xa̱bu̱ bi̱ nduyamajkuíí+ ga̱jma̱a̱ naʼni wájíinʼ xa̱bu̱ bi̱ ra̱míjíinʼ mu maʼni gámbíi̱n náa mbiʼi rí ikhaa gándaʼa̱a̱ cuenta.+ 10  Mú itháan náa bi̱ nduyáʼ mubúúnʼ gajmiún eʼwíinʼ+ ga̱jma̱a̱ muni̱ gachíin ma̱ngaa tséyamajkhún xa̱bu̱ ñajunʼ.+ Numuu rí nda̱a̱ gamajkhún ga̱jma̱a̱ gújkhúʼ a̱jkiu̱ún, ikha jngóo ikhiin tsémíñún mutawéñúúnʼ xa̱bu̱ gamajkuiin. 11  Mú ángeles maski ajndu guáʼdáá itháan numún ga̱jma̱a̱ guáʼdáá itháan tsiaki̱i̱ na̱nguá etawéñúúnʼ numuu rí nduyamajkuíí Jeobá.*+ 12  Numuu rí xa̱bu̱ bugi̱ ni̱ndxu̱ún xóo xujkhúʼ bi̱ tséndxaʼwa̱a̱ edxu̱ún rí muni̱, nagumiin mu maxtugui̱i̱n ga̱jma̱a̱ mu maguma gámbíi̱n, nutawéñííʼ rí tséniʼnuuʼ.+ Ikhiin maguma gámbíi̱n ga̱jma̱a̱ numuu dí raʼkhí eni̱, 13  rí muda̱a̱ʼ ga̱jma̱a̱ numuu dí raʼkhí rí xóo kúwá nindxu̱u̱ dí mumíniiʼ. Maski ajndu gíʼ a̱jkha̱ʼ ikhiin nanigu̱u̱nʼ muni̱ gagimijná ga̱jma̱a̱ mbaʼa wéñuuʼ dí rígá. Ikhiin ni̱ndxu̱ún xóo mbá rí tsaga náa xtíin ga̱jma̱a̱ mbá rí nichúu.+ Nanigu̱u̱nʼ kisngáa nduwaʼ ndrígu̱ún índo̱ kúwá runi̱ ndxa̱a̱ ga̱jma̱á nindxa̱la.+ 14  Nagua̱ʼa̱ wéñuuʼ rí muni̱ aʼkhá gajmiún i̱mba̱a̱+ tséʼngu̱u̱n gúniña̱a̱nʼ runi̱ aʼkhá, nuniríjíinʼ bi̱ guabiinʼ, a̱jkiu̱ún kiʼniratháá mu manigu̱u̱nʼ maguaʼdáá wéñuuʼ. Ni̱ndxu̱ún e̱ji̱n bi̱ nijuiʼtá tsríguíin. 15  Índo̱ niniña̱a̱nʼ kamba̱a̱ rí jmbu nigájnuriñu̱u̱nʼ. Nigún náa kambo̱o̱ Balaam+ a̱ʼdióo Beor, bi̱ nindoo miʼninumáá ga̱jma̱a̱ numuu dí ra̱májánʼ,+ 16  nijuaxpríguíí ga̱jma̱a̱ numuu rí ninújngurámuuʼ dí nindxu̱u̱ jmbu.+ Mbáa búrru ni̱jkha̱nú niʼthí ga̱jma̱a̱ nirikoo profeta skágunʼ bi̱ táraʼwíí májánʼ rí maʼni.+ 17  Ikhiin ni̱ndxu̱ún xóo iduu iyaʼ náa nda̱a̱ iyaʼ ga̱jma̱a̱ rujmbaaʼ rí na̱jkha̱ kayóo giñámbiʼ, nuguáʼthi̱i̱n magún náa kíná mbiʼ.+ 18  Rí nuthi nakujma̱á rí mitsaanʼ* nindxu̱u̱ mú ragíʼdoo numuu. Numuu rí nuni̱ rí nagua̱ʼa̱ xuñúúnʼ+ ma̱ngaa nuni̱ xúgíʼ enii rí xkawiʼ, najmún rígi̱ náa eʼwíinʼ mu muni̱ dí ra̱májánʼ dí niniña̱a̱nʼ má.+ 19  Maski ajndu nuthún rí xánindxu̱ún ñumbáá mú ikhiin míniiʼ má ni̱ndxu̱ún ñumbáá ndrígóo aʼkhá.+ Numuu rí á mu mbáa tséjmaa gáʼni ga̱jma̱a̱ imba̱a̱, nanindxu̱u̱ ñumbáá ndrígóo.+ 20  Á mu nda̱wa̱á rí nigájni̱ín náa tsaga dí rígá náa numbaaʼ rígi̱+ núma̱aʼ má ga̱jma̱a̱ numuu ku̱ma̱ jmbu ndrígóo Tátá Jesucristo bi̱ Naʼni káwáánʼlú, á mu natangi̱ín nuni̱ mbu̱júu̱ rígi̱ ga̱jma̱a̱ tséʼngu̱u̱n gúni̱ gajmiún, rí nuni̱ nindxu̱u̱ itháan xkawiʼ ki xóo rí nini̱ nákha ginii.+ 21  Itháan májánʼ á mu túniʼnuuʼ kamba̱a̱ rí májánʼ ki xóo rí muniʼnuuʼ ga̱jma̱a̱ nda̱wa̱á muniña̱a̱nʼ kiʼtáñajunʼ ndrígóo Dios rí nindxu̱u̱ kaʼwu rí ikhiin nindrigú.+ 22  Rí niguáʼníí nasngájma rí gajkhun nindxu̱u̱ rí naʼthí proverbio rígi̱: “Xu̱wánʼ natanga̱a̱ na̱ʼkhu̱ dí najxiriya̱a̱ʼ ga̱jma̱a̱ a̱ga bi̱ niwan má, najkha̱a̱ gámbíjximínaʼ náa gaʼchaʼ”.+

Mbaʼa nota

^ Atayáá glosario, xúgíʼ enii rí xkawiʼ.
^ Atayáá glosario, Tártaro.
^ O mbáa “nigruiʼíinʼ náa iñáʼ dí”.
^ O “bi̱ nanújngurámúúnʼ xtángoo”.
^ O “alma”. Atayáá glosario, alma.
^ Atayáá apén. A5.
^ Atayáá apén. A5.
^ O “nagui̱i̱”.

Copyrights ndrígóo i̱yi̱i̱ʼ rígi̱