Timbá libro rí niʼnirámáʼ Samuel 21:1-15
21 Nda̱wa̱á David ni̱jkha̱ náa xuajin Nob,+ náa xtáa ndxajkun Ahimélec. Índo̱ Ahimélec ndiʼyoo, nimíñuu dí asndu naguáʼaan ga̱jma̱a̱ nirajxu̱u̱: “Ndíjkha dí mbáwíín edxu̱ʼ rá. Ndíjkha dí ndawa̱a̱ tsáa edxu̱ʼ ga̱jma̱a̱ʼ.”+
2 David niriʼñuu ndxajkun Ahimélec: “Rey nikuʼmún mbá rí maʼgá gáni̱, mú niʼthúnʼ: ‹Nimbáa ragíʼmaa mbaʼyoo ñajunʼ dí ekuʼmáán mi̱dxu̱ʼ gátani̱, ni má dí ni̱tha̱a̱nʼ matani̱›. Nimbánuminaʼ má gajmíʼ xa̱bi̱ʼ náá gáyaminaʼ gajmíʼ.
3 Á mu xtaʼdáá witsu pan, nandoʼ dí maraxnu̱ʼ o maraxnu̱ʼ asndu ndiéjunʼ má xtaʼdáá”.
4 Mú ndxajkun niʼthúu̱n David: “I̱ndó pan kaʼwu gúʼdoo.+ Ma̱ndoo maxna̱a̱ʼ á mu dí xa̱bekha bi̱ gajmiáanʼ túbúnʼ gajmiún* gu̱ʼu̱”.+
5 David niriʼñuu ndxajkun: “Natha̱a̱nʼ gajkhun dí mbá xúgíʼ nuthu dí nigájnuʼ gáxmína̱ʼ na̱nguá ni̱búxu gajmiúxu nimbáa a̱ʼgu̱.+ Á mu dí mámbá dí na̱jkuá gúxmijnáxu, xa̱bekha kaʼwu niguáʼdáá xuñúúnʼ, ¡iwáálá xúgi̱ rá!”.
6 Ikha jngóo ndxajkun nixnúu pan dí kaʼwu,+ numuu dí i̱ndó rúʼko̱ dí gíʼdoo. Pan rígi̱ dí najuixnájxi̱ nándáa má náa guʼwá xtíin náa inuu Jeobá, numuu dí niriʼkhu̱u̱ má mbiʼi dí nistama̱a̱ʼ pan dí ndiʼkhúú niguma.
7 Mbáa xa̱bi̱i̱ Saúl, bi̱ naʼtáñajúúnʼ baxtúu, xtáa ikhí mbiʼi rúʼko̱, numuu dí ndiyóoʼ maguanúu náa inuu Jeobá. Ikhaa mbiʼyuu Doeg+ xa̱bu̱ Edom.+
8 David niʼthúu̱n Ahimélec: “Na̱nguá xtaʼdáá mbá kudú* o mbá espada ráʼ. Numuu dí mbá nacha̱ nikuʼmún ma̱ni̱ ñajunʼ rígi̱ rey, ikha jngóo na̱nguá ka̱ya̱ espádóʼ ni má ajua̱nʼ dí najmuʼ”.
9 Ndxajkun niʼthúu̱n: “Gúʼdoo espádóo Goliat,+ filisteo bi̱ ikháán nitaxíyáa náa mata* Elá.+ Kambróʼoo xtíin rígá náa kidxuuʼ efod.*+ I̱ndó rúʼko̱ gúʼdoo maxna̱a̱ʼ. Á mu nandaaʼ majmaaʼ ayédxuʼ má”. David niʼthúu̱n: “Araxnúʼ. Nda̱a̱ imbo̱o̱ espada xóo rúʼko̱”.
10 Mbiʼi rúʼko̱ David nigájna̱a̱ ikhí, nijnguʼwúun ragáyúu má xúʼko̱+ mu xáxkamaa Saúl. Nda̱wa̱á ni̱jkha̱nú náa Gat+ náa xtáa rey Akís.
11 Xa̱bi̱i̱ Akís nitháán rey ndrígu̱ún: “Lá raʼkháa David bugi̱ bi̱ nindxu̱u̱ rey náa xuajñuu ráʼ. Lá raʼkháa ga̱jma̱a̱ numuu ikhaa ethi, índo̱ nagún rutsia ga̱jma̱a̱ nuni̱ ajmúú:‹Saúl nigudíin mil,mú David nigudíin 10 mil ráʼ.›”+
12 Ajngáa rígi̱ niʼni dí mandxaʼwáminaʼ David, ga̱jma̱a̱ nimíñuu+ kaʼyoo rey Akís bi̱ xtáa náa Gat.
13 Ikha jngóo niʼni xóo eʼni mbáa xa̱bu̱ bi̱ naxnúu edxu̱u̱,+ ga̱jma̱a̱ xóo eʼni mbáa xa̱bu̱ bi̱ nakágu̱u̱nʼ náa majñu̱únʼ ikhiin. Nigíʼdu̱u̱ niʼnimanííʼ xkrugoo xuajin ga̱jma̱a̱ niniñuuʼ dí iya rawuunʼ matsowooʼ náa stawuunʼ.
14 Ikhú Akís niʼthún xa̱bi̱i̱: “¡Nakágu̱u̱nʼ xa̱bu̱ bugi̱! Ndíjkha guwaʼ kuya̱a̱la.
15 Ndawi̱i̱n má eni̱ ikhúún bi̱ nakágu̱u̱nʼ xígi̱ kaʼnii dí maguwa̱ʼ kuya̱a̱la i̱mba̱a̱ ráʼ. Lá nuguaʼthi̱i̱n dí maniʼñúuʼ mato̱ʼo̱o̱ náa goʼwóʼ xáʼ.”
