Natáboré echi Jesús mukúala
Lunes 22 inárachi marzo 2027
Sinibí bamíali echi testigo Jeobá newalá japalí Jesús mukuli. Echi riká ta noká jiti Jesús nulali: “Sinibí jeʼná jerigá olasi mapurigátamo galá ʼnatabo tamí jiti” (Lucas 22:19).
Ata mi bayé alí ayénachó mujé téemala jiti timí simama jepuná napawíliwami.
Japi jaré machinali
¿Jépuká omeri simiyá?
Sinéami omeri simiyá. Ami omeri simiyá mujé téemala yúa.
¿Chu kilí rojorá?
Ne sojí bilé hora.
¿Kumi napawima?
Nari bilé testigo Jeobá jiti echi mi ruyema kumi nima.
¿Achi natétipo echoná moʼiyá?
Ke.
¿Achi bilé simírima táami winomí?
Ke. Echoná napawíliwachi japi niwá echi testigo Jeobá ke siné tániwa winomí (Mateo 10:8).
¿Chúriká napáchika simiwá?
Ke newalé japi mi uchama napacha o sipucha japi we natéami ju. Nalí echi testigo Jeobá iʼwérili noká aʼlárika napáchika simíaya japi riká aní echi Biblia.
¿Piri nokiwá japalí napawí newalamia echi Jesús mukúala?
Kulí chotásimia ko wikará, alí miná ko bilé testigo Jeobá raʼicha Onorúami yúa. Echoná jonsa ko, ati kipú bilé nawésali japi ruyé chúsiá we natéami ju echi Jesús mukúala, alí chúriká tamó iʼwiri japi Onorúami alí Jesús nokali tamujé jitra. Ma sunía ko, checho wikará alí Onorúami yúa raʼicha.
Ami che machináliaká, leeri echi artículo riwéami “¿Chúsiá echi testigo Jeobá sinucho riká napawí jarecho religiones yúa newalamia echi Jesús mukúala?”.
¿Chu kabú nima echi jaréala Conmemoraciones?
2027: lunes 22 inárachi marzo.
2028: oméachi 9 inárachi abril.
2029: jueves 29 inárachi marzo.
Ayénachó mi machináliré
NATÁBORÉ
Natáboré echi Jesús mukúala
Ata mi bayé jiti mi napawima tamujé yúa, jiti newalaba japi Jesús mukuli tamujé jitra. Ata binepa chúsiá mukuli Jesús alí chúriká pirélipa pe aminánami.
ESSENTIAL BIBLE TEACHINGS
¿Chúsiá mukuli Jesús?
Japi Jesús isili we natéami ju, ¿chúsiá mukuli Jesús?
JARECHO TEMAS
¿Chúriká mi iʼwiri echi Jesús mukúala?
¿Chu iyiri okuá namuti ati nokisáré jiti echi Jesús mukúala tamó iʼwírima?
MACHÍ JAPI TA NOKÁ
Simí japoná napawí echi testigo Jeobá
Aminabi machí chúriká nokiwá echoná japoná napawíliwa. Alí aa kumi napawí mulipi japoná mi bité.