AGAROOSHSHU SHAE—XIINXALLOTE ITTIME Ella 2016
Tini ittime Woxawaajje 1-28, 2016 xiinxallinannita xiinxallote birxichuwa amaddino.
Yihowa Ate Daafira Hedanno
Maganu ate daafira hedannota leellishshannoti mayi taje no? Hanni tenne leellishshanno taje hedi.
Dora Gananno Manchi Gede Yihowa Seekkannoꞌneta Huwatte
Yihowa seekke biddi assanno manna doorannohu hiittoonniiti? Isi manna seekke biddi assannohu mayiraati? Isi manna seekke biddi assannohu hiittoonniiti?
Yihowa Seekke Biddi Assaꞌnera Wodhitinanni?
Maganu anga shaqqadu dori gede ikkate kaaꞌlitannohe akatta hiikkuriiti?
Nabbawaano Xaꞌmitanno Xaꞌmo
Hiziqeeli ajuujatenni lainohu borreessinanniricho amadino manchinna olu uduunne amadinohu lewu manni maa riqiwanno?
Yihowa Maganinke Mitto Yihowaati
Maganu ‘mittoho’ yaa mayyaate? Maganinke Yihowa “mitto” ikkinota leellishanno garinni magansiꞌra dandiineemmohu hiittoonniiti?
Wolu Manni Loosanno Soꞌro Guficho Ikkitahera Wodhitooti
Hundi waro ammanantinoti Maganu soqqamaano wole manna koffi assannore loossitino woy coyidhino woti no. Tenne Qullaawu Maxaafi lawishshuwanni maa ronseemmo?
Ammanama Culka Roore Muxxe Akataati
Ammanammoommore ikkanke loworeeti.
Qaagatto?
Muli yannara fultinota Agarooshshu Shae metseetta nabbawootto? Hanni qaagge dawaro qolate woꞌnaali.
