Qullaawu Maxaafi Xaggenni Ronseemmo Roso
Kuni maxaafi, addi addi yannara ikkinore kulanno; lawishshaho kalaqamu daafira, Yesuusi ilamino garanna Maganu Mangiste abbitanno atoote xawisanno.
Aliidi Bisi Soyino Sokka
Konne maxaafa horoonsiꞌra dandiinannihu ma garinniiti?
Maganu Iimanna Uulla Kalaqi
Qullaawu Maxaafi Maganu iimanna uulla kalaqinota kulanno. Maganu baalankare kalaqara albaanni kalaqino sokkaasinchi ayetiro afootto?
Maganu Umo Kalaqino Manna
Umo Maganu labbaahanna meyata kalaqe Edenete kaashshu basera worinonsa. Insa ooso ilanna uulla woꞌma Gannate assa dandiitanno.
Addaaminna Heewani Maganoho Hajajama Giwi
Edenete kaashshu basera nooti mitte haqqicho baxxitinota ikkitinohu mayiraati? Heewani hatte haqqicho laalo ittinohu mayiraati?
Hanqa Bushate
Maganu Abeeli shiqishiꞌrino kakkalo adhe, Qaaeelita kayinni adha giwino. Qaaeeli tenne afiti lowo geeshsha hanqe busha coye assino.
Nohi Markaawe
Iiminni daggino sokkaasine seenne adhite iltino ooso jigeeyyenna manna waajjishiishshannore ikkitino. Hatte yannara base baalate bunshe batidhino. Nohi kayinni Magano baxannohonna Isira hajajamannoho.
Settu Manni Gate Saino
Maganu Nohi yannara noo alame hunate 40 hashshanna 40 barra xeena gananno gede assino. Nohinna maatesi markaawete giddo mitto diro saꞌanno yanna keeshshitino. Gedensoonni Maganu ‘Markaawete giddonni fulle’ yiinonsa.
Baabeeli Gimbe
Mitu manni gordo qasirino mine miꞌnate hedino. Maganu insa hedeweelcho babbaxxino qaale coyidhanno gede assinohu mayiraati?
Abirihaaminna Saara Maganoho Hajajamino
Abirihaaminna Saara Uuri katamira noonsa mine agure Kanaani gobbara doyanni heeꞌrinohu mayiraati?
Geedhino Minaanninna Minaama Qaaqqo Ili!
Maganu Abirihaamira eino qaale wonshannohu hiittoonniiti? Yihowa eino qaale wonshannohu Yisihaaqinso Ismaeeli widoonniiti?
Looxi Galte Qaagge
Maganu giira xeenimma dirrise Soddoomunna Gomooru katama hunino. Isi kuri katamma huninohu mayiraati? Looxi galte qaaga hasiissannonkehu mayiraati?
Maganu Abirihaami Ammana Fonqoli
Maganu Abirihaami togo yiino: ‘Mooriyu Ilaala hadhe baxattoha mitto beettokki Yisihaaqi gorrite kakkalo assite shiqishie.’ Maganu hatto yiisita Abirihaami maa assinoro afootto?
Yaiqoobi Ragge Adhi
Yisihaaqiranna Ribiqara Eesawunna Yaiqoobi yinanni lakkuwi noonsa. Balaxe ilaminohu Eesawu ikkino daafira, ragge adhannohu isooti. Eesawu kayinni bayirreenyasi missiru woxira hirinohu mayiraati?
Yaiqoobinna Eesawu Araarantu
Yaiqoobi maasso adhinohu hiittoonniiti? Isi rodiisi Eesawu ledo araaramate maa assino?
Maganoho Hajajamino Borojjicho
Yooseefi gara ikkinore asse heeꞌreenna lowo qarri iillinosihu mayiraati?
Yihowa Yooseefi Horo Dihawino
Yooseefi heeꞌrannohu maatesiwiinni xeertiꞌre ikkirono, Maganu ledosi ikkino.
Iyyoobi Ayeti?
Lowo qarri iillisirono Maganoho hajajamino.
Muse Yihowa Magansiꞌra Doodhino
Muse qaaqqu heeꞌreenna amasi hayyotenni gatissinosi.
Buwanno Cita
Giira cita ittinokkihu mayiraati?
Umiha Sase Qoomama
Feriooni Israeele hadhanno gede agura giwe, Gibitsete mannira qarra abbino.
Wole Lee Qoomama
Kuni qoomami umihu sasu qoomaminni baxxinohu hiittoonniiti?
Tonnikki Qoomama
Kuni qoomami naxxaleessa ikkinohu Feriooni nafa waajjanno gede assino.
Maganu Duumu Baari Aana Loosino Maalale
Feriooni tonnu qoomaminni gate sainoha ikkirono, Maganu loosinote tenne maalalenni gata ikka?
Israeele Yihowara Qaale Eꞌu
Israeele Siina Ilaali mule heedhe Yihowara qaale eꞌino.
Israeele Eꞌino Qaale Diwonshitino
Muse Tonne Hajajo abbara haꞌre heeꞌreenna Israeele cubbo loossino.
Magano Magansiꞌnanniha Qullaawa Dunkaana
Konni baxxino dunkaani giddo gondooru taawooti no.
Tonaalame Qotaano
Iyyaasunna Kaaleebi Kanaani gobba qotate hadhinori wole tonne qotaanonni baxxitinoreeti.
Israeele Yihowara Hajajama Gibbu
Qore, Daataani, Aberooninna wolu 250 manni Yihowa daafira wodanchitinokki coyi no.
Beleaami Harricho Coyidhu
Beleaami lainokki sokkaasincho harricho laꞌino.
Yihowa Iyyaasu Doori
Yihowa Iyyaasura uyino biddishshi xaa yannara ninkerano kaaꞌlannoho.
Reaabi Qotaano Maaxxu
Iyyaarkote gimbe diigantu. Reaabi mini katamu huxxi ledo xaade nooha ikkirono didiigamino.
Iyyaasunna Gebaooni Manna
Iyyaasu ‘Yihowa, arrishsho noowa uurritanno gede assi’ yee huucciꞌrino. Maganu huuccattosi macciishshi ikka?
Haaro Massagaanchonna Lame Worbuulle Meento
Iyyaasu reyita, Israeele kaphu maganna magansiꞌra hanaffino. Konnira insa qarrantino; ikkollana Daanyu Baarqinna masaalaancho Diboora, hattono Iyaeeli Israeele kaaꞌlitino.
Ruutinna Naaoomi
Galte shiiꞌrinori lame meenti Israeelete gobba higino. Kuri meenti giddo mitte yaano Ruuti, gide xinqidhara martinowa Booeezinni xaaddino.
Gedewooni Midiyaami Daga Qeeli
Israeele Midiyaami daga waaddunsata, Yihowawa higge raartino. Gedewooniti shiima olanto 135,000 ikkitannota Midiyaami olanto qeeltinohu hiittoonniiti?
Haanna Magano Qaaqqo Uyie Yite Huuccidhino
Hilqaana, minaamuwisi Finaananna Haanna, hattono oososi ledo Magano magansiꞌrate Seelo noohu qullaawu dunkaaniwa haꞌranno. Hakkiicho Haanna ila aasera Yihowa huuccidhino; mittu diri gedensaanni Saamueeli iltino!
Yofitahe Eino Qaale
Yofitahe mayyee qaale eino? Yofitahe beetto annise eino qaale kuliseta maa assitu?
Yihowa Saamueeli Hasaawisi
Kakkalaasinete biili Eeli ooso qullaawu dunkaanira soqqantannoha ikkirono, insa Maganoho dihajajantino. Wedellichu Saamueeli kayinni insa gede diꞌꞌikkino. Mitto hashsha Yihowa Saamueeli hasaawisinosi.
Yihowa Samisoni Wolqaataamo Assino
Maganu Samisoni Filisxeemete ledo olamanno gede wolqa uyinosi; Samisoni kayinni balala gede ikkino daafira, Filisxeeme amaddinosi.
Umiha Israeelete Moote
Maganu Israeelete massagaancho shoominonsaha ikkirono, insa moote hasidhino. Saamueeli, Saaooli moote asse shoomino. Ikkollana yannate gedensaanni Yihowa Saaooli moote ikkannota hoolino. Mayira?
Daawitinna Gooliyaadi
Yihowa Daawiti Israeelete moote ikkano gede buurino; Daawiti assinori isi moote ikke buuramasi gara ikkitinota leellishanno.
Daawitinna Saaooli
Saaooli Daawiti giwinohu mayiraati? Daawiti kayinni maa assino?
Worbanna Ammanamino Mancho Yoonaataani
Mootete beetti Daawitira lubbote jaala ikkino.
Moote Daawiti Cubbo Loosi
Bushare assa shollishshanno.
Yihowa Magansiꞌnanniha Qullaawa Mine
Maganu Selemooni huuccatto macciishshe maassiꞌrinosi.
Gashshootu Beehami
Batinyu Israeelete manni Yihowa magansiꞌra agurino.
Qermeloosi Ilaalira Ikkinore
Halaalaanchu Magani Yihowaatinso Baꞌꞌaaliiti?
Yihowa Eeliyaasi Jawaachishi
Yihowa ateno jawaachishannoheta addaxxatto?
Mitte Gunnitte Mancho Qaaqqi Reyotenni Kai
Yihowa mittu mini giddo lame maalale loosi!
Busha Mootitte Shini
Elzaabeeli woyinete kaashshi baattosi adhate yite Naabute yinanni Israeelaawicha shiishiishshino! Ikkollana ise assitinohu bushu coyi Yihowa illenni digoꞌlino.
Yihowa Iyosaafiixi Kaaꞌli
Moote Iyosaafiixi diinnasi waajjishiishshusi yannara Yihowa huucciꞌrino.
Olamaanchonna Mitte Shiima Qaaqqo
Mitte Israeelawitte qaaqqo Yihowa wolqa daafira Niꞌꞌimaani galtera kultino; hakkiinni maalaꞌlinanniri ikkino.
Yihowata Giirate Olanto
Elsai soqqamaasinchi Elsai ‘Ninke ledo noori insa ledo noore roortanno’ yiinohu mayiraatiro huwatino.
Worba Mancho Yoodahe
Mittu ammanamino kakkalaasinchi busha mootitte assitinore giwino.
Yihowa Yoonaasi Marari
Mitto Maganu masaalaancho qulxuꞌmicho egemmitinohu hiittoonniiti? Isi qulxuꞌmichote godowinni gate fulinohu ma garinniiti? Yihowa Yoonaasira maa rosiisinosi?
Yihowa Sokkaasinchi Hiziqiyaasi Gatisino
Yihudu diinna Yihowa dagasi diagaranno yitino; ikkirono insa yitinori kaphoho!
Iyosiyaasi Yihowa Seera Baxino
Iyosiyaasi moote ikkinohu settu dirisinni heeꞌreeti; isi mannu Yihowa magansiꞌranno gede kaaꞌlino.
Yihowa Ermiyaasi Sabbakara Soyino
Wedellichu masaalaanchi coyiꞌrinori Yihudu roorroota baasa hanqisino.
Yerusaalame Baꞌu
Yihudu manni kaphu maganna magansiꞌra agura giwino daafira, Yihowa insa agurino.
Yihowara Hajajantinore Shoole Ooso
Kuri Ayihudete wedelli Baabiloonete gobbara mootete mine heedhe nafa Yihowara ammanamate murcidhino.
Hegerera Heedhanno Mangiste
Daanieeli Nabukadanatsoori haaqiiꞌrino haaqee tiro xawisino.
Misilete Kumbuula Gibbino
Sidiraaqi, Misaaqinna Abidinaago Baabiloonete Moote Nabukadanatsoori culkunni seekkino misilera kumbuula gibbino.
Jawa Haqqicho Daafira Kultanno Ajuuja
Nabukadanatsoori laino ajuuja, isi albillitte ikkannore kultanno.
Girgiddu Aana Borreessinoonni Borro
Tini borro leeltinohu hiitte yannaraati? Borrote tiro maati?
Daanieeli Doobbiyu Balera Tungi
Daanieeli gede barru baala Yihowa huucciꞌri!
Asteeri Mannase Gatissu
Asteeri annanna ama shiidhinota, hattono manni gobbanni dagginota ikkiturono gedensoonni mootitte ikkitino.
Izira Maganu Seera Rosiisi
Israeele Izira Maganu Seera nabbawanna macciishshitu gedensaanni Yihowara qaale eꞌino.
Yerusaalamete Huxxa
Nehimiya diinnansa gawajjitansara heddinota afinoha ikkirono, waajjinokkihu mayiraati?
Elsaabeexi Qaaqqo Iltu
Elsaabeexi minaanni, qaaqqu ilama geeshsha danqicha ikkinohu mayiraati?
Gebirieeli Maariyaami Hasaawisi
Isi Maariyaamira dhagge ikkannore kulinose.
Sokkaasine Yesuusi Ilaminota Kultu
Yesuusi ilaminota macciishshitino allaalaasine bayichonko iso laꞌꞌate hadhino.
Yihowa Yesuusa Agarino
Bushu moote Yesuusa shiishiishate hedino.
Yesuusi Shiimu Noo Waro
Isi qullaawu mini giddo rosiisanna rosiisaano dhagge assidhinohu mayiraati?
Yohaannisi Doogo Qixxeessi
Yohaannisi lophiti masaalaancho ikkino. Isi Mesihichu daanni noota rosiisino. Mannu isi duduwino sokka macciishshino?
Yesuusi Mesihicha Ikki
Yohaannisi Yesuusa Maganu Geꞌrecho yiinohu mayiraati?
Daawuloosi Yesuusa Fonqoli
Daawuloosi Yesuusa sase hige fonqolino. Kuni sasunku fonqoli maati? Yesuusi hatte yannara maa assino?
Yesuusi Qullaawa Mine Keereensi
Yesuusi qullaawu mininni saada fushshe shorrinohunna woxe soorritannori xarapheeyye galchinohu mayiraati?
Yesuusi Buichonniwa Xaadino Mancho
Samaariyu mancho Yesuusi hasaawisinose daafira dhagge assidhino. Mayira? Yesuusi wolu mannira kulinokkire isera maa kulinose?
Yesuusi Maganu Mangiste Daafira Sabbakino
Yesuusi rosaanosi giddo mitu ‘qulxuꞌme woshshaaddannore’ ikkitannota coyiꞌrino. Yannate gedensaanni qole isi harunsaanosi giddo 70 doore dancha duduwo dudubbanno gede soyino.
Yesuusi Lowo Maalale Loosi
Yesuusi haꞌriwa baalawa xiwamino manni hoodesi haꞌre hursannonsa gede xaꞌmiꞌreenna hursinonsa. Wole agurina isi reyitinore nafa kayisino.
Yesuusi Tonaa Lame Soqqamaasine Doori
Yesuusi insa doorinohu maa assitanno gedeeti? Ati insa suꞌma afootto?
Yesuusi Ilaalu Aana Rosiisi
Yesuusi gamba yiino mannira kaajja roso rosiisino.
Yesuusi Rosaanosira Huuccatto Assidhanno Gara Rosiisino
Yesuusi rosaano huucciꞌra dandiitanno coyibba hiikkuriiti?
Yesuusi Lowo Manna Itisino
Tini maalale Yesuusinna Yihowa daafira maa rosiissannonke?
Yesuusi Wayi Aana Haꞌri
Yesuusi soqqamaasine isi wayi aana haꞌranna laꞌu yannara mayi macciishshaminonsaro afootto?
Yesuusi Sambatunni Xiwantinore Hursino
Mitu manni tennera giiraminohu mayiraati?
Yesuusi Aliaazaari Reyotenni Kayisi
Yesuusi Maariyaami wiꞌlitanna lae isino wiꞌlino. Ikkollana shiima yanna giddo dadillinsa hagiirreho soorramino.
Yesuusi Jeefote Faasika Ayirrisi
Yesuusi soqqamaasinesi ledo jeefote faasika ayirrisi hashsha mitto kaajja roso rosiisinonsa.
Yesuusa Amandi
Asqorootu Yihuda bisenna dulla adhinohu batinyu manni ledo daye Yesuusa sayise uyino.
Pheexiroosi Yesuusa Kaadi
Qeyaafa mini hoowe giddo mayi ikkino? Qeyaafa mine Yesuusira mayi iillinosi?
Yesuusa Golgoota Yinanniwa Shini
Philaaxoosi Yesuusa shinanni gede hajajinohu mayiraati?
Yesuusi Reyotenni Kaino
Yesuusi reyi gedensaanni mayi ikkino?
Yesuusi Rosaanosira Galagale Leelli
Yesuusi rosaanosi laꞌanna hiittenne maalale loosino?
Yesuusi Iimira Haꞌri
Isi iimira haꞌrara albaanni rosaanosira mitte kaajja hajajo hajajinonsa.
Yesuusi Rosaanora Qullaawu Ayyaani Dirri
Qullaawu ayyaani Yesuusi rosaanora maa assitanno wolqa uyinonsa?
Hoolansara Dandiinohu Dino
Yesuusa shiishiishshinori ammaꞌnote murrooti, xa isi harunsaano sabbakkannota hoolate woꞌnaaltino. Ikkirono sabbakkannota hoola didandiitino.
Yesuusi Saawuli Doori
Saawuli alba Kiristaana giwannoho. Yannate gedensaanni kayinni soorrame biddi yiino.
Qornelewoosira Qullaawu Ayyaani Dirrisi
Maganu Pheexiroosi Ayihude ikkinokki manchiwa soyinohu mayiraati?
Kiristaanu Ammaꞌno Halaꞌlitu
Soqqamaasinchu Phaawuloosi soqqanshote jaallasi ledo misiyoone ikke xeertowa haꞌre sabbakino.
Usuru Mini Agaraanchi Halaale Rosi
Phaawuloosinna Silaasi usurroonnihu mayiraati? Usuru mini agaraanchi halaale macciishshinohu hiittoonniiti?
Phaawuloosinna Ximootewoosi
Phaawuloosinna Ximootewoosi lubbote jaallaati; qoleno insa mitteenni lowo diro soqqantino.
Phaawuloosi Rooma Sonki
Phaawuloosi doogo haꞌranni heeꞌreenna qarru iillinosi; ikkirono isi waajje badhera dihigino.
Yohaannisi Laino Ajuuja
Yesuusi albillitte ikkannore kultanno ajuuja leellishinosi.
‘Mangistekki Daggo’
Yohaannisi laino ajuuja, Maganu Mangiste uulla woꞌma gashshitanno yannara mannu ooso hiittoo heeshsho heedhannoro xawissanno.
