HEESHSHOTENNA SOQQANSHOTE GAMBOOSHSHITA XIINXALLOTE MAXAAFICHO Ella 2017
Lawishsha Ikkannoha Hasaawu Bitima
Baqqi Yiiyye! yitanno metseetehanna Halaale Rosiisi yaannohu hunda nooha heeshshote daafira hasaawate kaaˈlannoha lawishsha ikkannoha hasaawu bitima. Umikkiha hasaawu bitima qixxeessiˈrate hakkiicho qummi assinoonnire horoonsiˈra dandaatto.
MAGANU QAALI GIDDO NOO JIRO
Yihowa Coyiˈrinori Baalu Woˈmanno
Ermiyaasi Baabiloone qeelantannotanna woˈmunni woˈma baˈannota coyiˈrino masaalo mitteno gattukki woˈmitino.
KIRISTAANU HEESHSHORA
Yihowa Eino Qaalira Nooˈne Ammana Mageeshshite?
Iyyaasu Yihowa Israeelete dagara eino qaali giddo mittuno woˈmikki gatinokkita coyiˈrino. Maganoho noonke ammana jawaattanno gede assiˈra dandiineemmohu hiittoonniiti?
MAGANU QAALI GIDDO NOO JIRO
Cince Agadha Kaajje Uurrate Kaaˈlitanno
Ermiyaasi buutote qarri iillinosiha ikkirono hexxo mudhikkinni kaajje uurranno gede kaaˈlinosiri maati? Albillitte iillannonke qarrira xaanni qixxaawa dandiineemmo hiittoonniiti?
MAGANU QAALI GIDDO NOO JIRO
Hiziqeeli Maganu Sokka Hagiirrunni Duduwino
Yihowa ajuujatenni Hiziqeelira maxaafa ee isi hakkonne maxaafa itanno gede kulinosi. Maxaafa ita Hiziqeelira mayi tiro afidhino?
KIRISTAANU HEESHSHORA
Dancha Duduwo Hagiirrunni Dudubbe
Mito wote Maganu Mangisteha dancha duduwo duduwa shota ikka hooggara dandiitanno; ikkirono Maganu isira hagiirrunni soqqammammora hasiˈranno. Ikkina sabbakate loosinni hagiirre afiˈra dandiineemmohu hiittoonniiti?
MAGANU QAALI GIDDO NOO JIRO
Gatote Malaate Malaatinsanniˈne?
Hiziqeeli laino ajuuja umo woˈmitinohu hundi Yerusaalame baˈu yannaraati. Tini ajuuja yannankera woˈmitannohu hiittoonniiti?
Kiristaanu Heeshshora
Yihowaha Amanyootu Seera Ayirrisse
Waajjinummokki Yihowahu amanyootu seeri ayirranno gede assa hasiisannonke. Tenne assa lowo geeshsha hasiissannohu mayiraati? Togo assa dandiinannihu hiittoonniiti?
