Pentru că o merimos si iech dușmano, si normal te avel amenghe dar lestar hai te las măsuri caște ocrotisaras amari viața (1 Corinteni 15:26). Cu sea cadala, i dar nasfali le merimastar, bazome pe neciacimata hai superstiții, încărel le manușen andi ‘sclavia sea i viața’ (Evrei 2:15). O prinjianimos le ciacimasco va eliberila-tu andai dar le merimastar, iech dar cai daștil te ciorel chi bucuria te trais (Ioan 8:32).

O ciacimos anda o merimos

• Le mule ci jianen chanci (Psalmo 146:4). Ci trebul te avel tuche dar că va suferia sau că va aveia chinuime pala o merimos, pentru că i Biblia phenel că o merimos si sar o soimos (Psalmo 13:3; Ioan 11:11–14).

• Le mule ci daștin te cheren amenghe chanci nasul. Vi le manușa cai sas amenghe dușmanea bare cana traisarde așen „bi te cheren chanci ando merimos“ (Proverbe 21:16). I Biblia phenel că „hai lenghi ura hai lenghi gelozia deja nachle“ (Eclesiasto 9:6).

• O merimos ci însemnol că nai ame nici iech speranța. Prin o jiuvindimos, o Del va anela pale viațate codolen cai mule (Ioan 5:28, 29; Fapte 24:15).

• O Del promitil că va avela o timpo cana „o merimos ci va mai avela“ (Revelația 21:4). Ita so phenel i Biblia anda cadal timpuri: „Codola cai sile orta va moștenina i phuv hai va traina pe late anda sea o timpo“, eliberime completo la daratar le merimastar (Psalmo 37:29).