О апостоло Иоанно сас тала аресто пэ ԥув, пэ сави ԥэнэн Патмосо. Тоди о Иисусо дя лэсти 16 видении пала кода, со авэла англэ. Андэр лэндэ о Иоанно диқля, сар о Дэл стерэла, кай лэско алав авэла свынто, сар авэла лэско царство и сар лэстири воля авэла пэ ԥув и по нэбо.

Андэ ек видения о Иоанно диқля лэ Иеговас, саво бэшэлас пэ пэско баро и шукарно престоло по нэбо. Паша лэстэ сас 24 старейшиноря андэ парнэ йдэ. Пэ шэрэ лэндэ сас сомнаконэ короны. Лэ престолостар жанас молнии и ашундёлас ӷромо. Всаворэ 24 старейшиноря пэрэнас пэ чанга англа Иегова и служинас лэсти. Андэ авэр видения во диқля фартэ бут манушэн анда всаворэ нации, еря, народоря и шыба, савэ тэлёнас лэ Иеговасти. О бакроро (о Иисус Христос) андярэлас лэн каринг о паи, саво дэл и жизня. Май англэ о Иоанно диқля авэр видения, кай о Иисусо ашэля царё. Во ля тэ правий по нэбо и лэса 24 старейшиноря. Андэ авэр видения о Иоанно диқля, кай о Иисусо вицэлдя и война лэ драконоса (лэ Сатанаса) и лэстирэ бэнгэнца. О Иисусо сшутя лэн па нэбо пэ ԥув.

 Тоди о Иоанно диқля шукаримос. По плай Сионо тердёлас о бакроро и лэса 144 000 кодэла, ко сас витидэ. Во кадяжэ диқля лэ анӷелос, саво вурялас понад ԥув. О анӷело ԥэнэнас лэ манушэнди: «Даран лэ Дэвлэстар и отдэн лэсти и слава».

Тоди о Иоанно диқля и война, пэ сави ԥэнэн Армагеддоно. Андэ кадэя война о Иисусо и лэстирэ воиноря улинэ лэ Сатанасти найлащи правления. Андэ послиднё видения о Иоанно диқля, кай по нэбо и пэ ԥув ашэля мирно. О Сатана и кодэла, ко тердёнас пэ лэстири риг, лэн умардэ. Акана всаворэ, кас создал о Иегова по нэбо и пэ ԥув, линэ тэ сыкавэн пэ дила, кай полинэ, кай лэ Дэвлэско алав свынто и линэ тэ тэлён кати лэ Иеговасти.