И барэ рашая одындярдэ лэ Иисусос андо цэр кай о правителё. О Пилато пушля лэндар: «Васо тумэ дошалярэн кадэлэ манушэс?» Вонэ ԥэндэ: «Во ԥэнэн пэр пэстэ, кай во царё!» О Пилато пушля, кай о Иисусо: «Ту лэ иудеёнэнго царё?» О Иисусо ԥэндя: «Мэрно царство най кадэлэ миростар».

Тоди о Пилато одбишалдя лэ Иисусос каринг о Иродо, саво правителё андэ Галилея, кай во тэ полэл, дошало о Иисусо чи най. О Иродо нисо нащи виарақэлас, андэр со во сас дошало и важ када во одбишалдя лэс палпалэ кай о Пилато. О Пилато ԥэндя лэ манушэнди: «Ни мэ, ни о Иродо на диқас, андэр со дошало кадэва мануш. Мэ камав лэс тэ одмэкав». Но и мануша зацыписайлэ: «Умар лэс! Умар!» И воиноря линэ тэ марэн лэ Иисусос ла чукняса. Вонэ шунгардэнас пэр лэстэ и марэнас лэс лэ кулаконэнца. Вонэ стодэ по шэро лэ Иисусости ви́нко анда колючки, линэ тэ асанпэ и тэ ԥэнэн: «Доров, лэ иудеёнэнго царё». О Пилато упалэ ԥэндя лэ манушэнди: «Мэ гиндосарав, кай кадэва мануш найдошало». Но вонэ зацыписайлэ: «По столбо лэс!» Важ када о Пилато приԥэндя тэ умарэн лэс.

Лэ Иисусос андэ по ҭан, пэ саво ԥэнэн Голгофа. Лэсти примардэ лэ карфинэнца и вас каринг о столбо, ай тоди вазглэ лэс. О Иисусо ля тэ мангэлпэ: «Дад, простисар лэн. Вонэ на ӷанэн, со терэн». И мануша линэ тэ асанпэ лэ Иисусостар и тэ ԥэнэн: «Сар ту лэ Дэвлэско шаво, тоди сжа па столбо! Спасысар пэс».

Ек анда шоваря, саво висияспэ паша о Иисусо, мангля лэс: «Сэр пала мандэ, кала авэса андэ пэско царство». О Иисусо дя алав: «Ту авэса манца андо раё». Андэ епаш дес ашэля тэмно и кадя сас трин часоря. Дэсавэ ученикоря тердёнас паша столбо. Машкар лэндэ сас и Мария, лэ Иисусости дэй. О Иисусо мангля лэ Иоаннос, кай тэ диқэл пала Мария, сар пала пэстири чачи дэй.

И акэ о Иисусо ԥэндя: «Стердяпэ!» Во тэлярдя о шэро, заԥурдя послиднё разо и муля. Андэ кадэя же время фартэ затиносайля и ԥув. Андо храмо пэ дуй котора росшынделяпэ и ԥари колиба, сави сас  машкар свынто и свынто май анда свынти. Ек римско воино ԥэндя: «Када па чачимастэ сас лэ Дэвлэско шаво!»