ORDNER I ordnarja hin koi, te helfrenn le tuke. Mangah tumen, budrenn lentsa mishto khetne, te djala pral, kai te parkres tiro auto, te wenn bud menshe khetne, te reserviere platze, un ninna an wawar themre.

PANJESKRI CEREMONIA Platze kolenge kai mukenn pen te taufrell hin an i glanstuni reiha reservieremen, oder tumer lenn wawar anweisunge. Kola kai mukenn pen te taufrell, hunte beshen ap o samstago kote, bevor o rakepen für i Panjeskri Ceremonia los djala. Hakeno hunte anell peske i handtucha un ninna anripaske peha, kai für koja moldi ceremonia latches hi.

TE KAMEH LOWE TE DELL Lowe un ninna vorkehrunge hunte wajan kerdo, te nai organisieram latche beshepangre, i sound system, video equipment, un bud wawar koowa, te nai well men i shukar kongressa, kai menge helfrella te was näheda pash i Jehoweste. Tire lowe, hoi tu o djiestar deh, krenna te well halauter plaissedo un ninna te well halauter hoi ap o tselo swetto kerdo wella unterstützemen. Te well tuke kowa gar phares, an i tseli saala, hatseh tu boxe kai nai tchiweh i lowe dren. Te hi tuke möglich, mangah tut, te kress kowa online ap donate.jw.org. Lautreske hoi dino wella, ham o djiestar parkedes. I Pralstune Sikepangre kamenn o djiestar lautrenge te penell, har parkedes jon hin, hakeneske kai o Debleskro Them unterstützrell.

ERTSE HILFE Mangah tut, kowa hi kokres te hi tut i notfall

TE NASHRAL TCHOMONE Te hatseh tu tchomone, un tu djineh gar konestar kowa hi, mangah tut, an kowa an i abteilunga fundbüro. Te nashral tu tchomone, djah an koja abteilunga un dik, ob te hatseh les koi. Ninna tikne tchawe, kai i eltrendar krik nashan, hunte wenn ninna koi hin anlo. Te well kekes sorge un ninna stressa, mangah tumen, den garda ap tumare tikne tchawende un rikrenn len pash tumende.

BESHEPANGRE Mangah tut, ab latches ap i wawarende. Reserviere kokres tire familjake, kolenge kai tuha an o auto fahran, kai tu khetne djiweh, ninna kolenge kai tuha i Biblakro Kurso krenn. Mangah tut, ma tchip tchomone ap i platza, kai tu gar reserviere.

TE KAMEH TE HELFRELL Te kameh tu ap i Regionaltiki Kongressa te helfrell, mangah tut, informiere i abteilunga freiwilligen dienst.

Organisieremen von i Pralstune Sikepangre i Jehoweskre Rakepangrendar