Мангаја те угодина е Јеховаске ко са со кераја (Из 27:11). Те шај те кера адава, ваљани те ана одлуке кола со ка сикавен кај размислинаја сар лесте чак кеда нане конкретно заповед баши несави ситуација. Со шај те поможинел амен те кера адава?

Редовно проучин и Библија. Секова пути кеда читинаја и Библија, адава тано сар те пхене накхаваја време е Јеховаја. Шај те сикљова сар о Јехова размислинела адалеа со ка дикха сар ов постапинѓа пле народоја, а исто аѓаар ако дикхаја о примерија таро мануша со постапинѓе исправно или погрешно англо лескере јакхја. Кеда ваљани те ана одлуке, о свети дух ка сетинкерел амен ко важна поуке хем начелија со сиклилем лен тари Библија (Јвн 14:26).

Истражин. Кеда ваљани те ане одлуке, пуч тут: „Кола стихија или извештаија тари Библија шај те поможинен манге те хаљовав со мислинела о Јехова баши адаја бути?“ Молин тут е Јеховаске те поможинел тут хем користин о алатке истражибаске со иси ки тли чхиб те шај те аракхе хем те применине о библиска начелија со важинена ки тли ситуација (Пс 25:4).

ДИКХ О КЛИПИ ВАЉАНИ „ИСТРАЈНО ТЕ ПРАСТА“ — ХА ЗДРАВО ХРАНА, А ПАЛО АДАВА ОДГОВОРИН КО АКАЛА ПУЧИБА:

• Саве притисокија сине е терне пхења?

  Тло одговор

• Сар шај о алатке истражибаске те поможинен туке кеда сиан ко слична ситуацие?

  Тло одговор

• Сави корист иси амен кеда анаја шукар одлуке адалеске со одвојнѓем аменге време те истражина хем те проучина? (Ев 5:13, 14).

  Тло одговор