Ка џивдинен ли палем о муле?
Со ка вакере...
-
оја?
-
на?
-
шај?
СО ВАКЕРЕЛА И БИБЛИЈА
„Са окола со и ко гробо . . . ка уштен“ (Јован 5:28, 29).
СО ЗНАЧИНЕЛА АКАВА ТУКЕ
Утеха кеда ка мерел некој со мангеа ле (2. Коринќаните 1:3, 4).
Нане те дара таро мерибе (Евреите 2:15).
Ка шај палем те ове те мангленцар со муле (Дела 24:15).
ШАЈ ЛИ ТЕ ВЕРУЊА Е БИБЛИЈАКЕ?
Оја, најхари таро трин причине:
-
О Девел денѓа џивдипе сариненге. И Библија вакерела кај таро Јехова о Девел авела о џивдипе (Псалм 36:9; Дела 17:24, 25). Шај те ова сигурна, кај окова со денѓа џивдипе сариненге, шај палем те иранел ко џивдипе околен со муле.
-
О Девел англедер да ваздинѓа дисаве мулен. Ки Библија пишинела башо офто мануша — терне, пхуре, мурша хем џувља — со сине ваздиме таро муле те шај палем те џивдинен ки Пхув. Дисаве сине ваздиме сигате пало ленгоро мерибе, а јекх сине муло чак штар диве! (Јован 11:39-44).
-
О Девел едвај аџикерела палем те керел адава. О Јехова мрзинела о мерибе; ов дикхела ле сар јекх душмани (1. Коринќаните 15:26). Е Девле иси ле бари желба те побединел акале душмане, те цидел о мерибе аѓаар со ка ваздел е мулен. Ов бут мангела те иранел ко џивдипе адале манушен со на бистрела лен, те шај палем те џивдинен ки Пхув (Јов 14:14, 15).
РАЗМИСЛИН
Соске пхујроваја хем мераја?
О одговор тари Библија башо акава пучибе ка аракхе ки 1. МОЈСЕЕВА 3:17-19 хем РИМЈАНИТЕ 5:12.
Шај исто ка интересинел тут
ОСНОВНА БИБЛИСКА СИКЉОЈБА
Со овела е манушенцар пало мерибе?
И Библија ветинела кај ка авел време кеда бут мануша ка воскреснинен сар о Лазар.
ОДГОВОР БАШО БИБЛИСКА ПУЧИБА
Сој тано о воскресение?
Шај ка изненадине тут кој са ка воскреснинел ки иднина.
АМЕНГЕ
Соске те сикљове тари Библија?
И Библија поможинела буте манушенге ко цело сумнал те аракхен одговорија башо најважна пучиба. Мангеа ли туке да те поможинел?
